Punjabi Poem: Kiven niklade din Krona | Page 2 | SIKH PHILOSOPHY NETWORK
  • Welcome to all New Sikh Philosophy Network Forums!
    Explore Sikh Sikhi Sikhism...
    Sign up Log in

Punjabi Poem: Kiven niklade din Krona

Dalvinder Singh Grewal

Writer
Historian
SPNer
Jan 3, 2010
718
392
75
ਰੂਹ ਹੈ ਹਿੱਸਾ ਰੱਬ ਦਾ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਰੂਹ ਹੈ ਹਿੱਸਾ ਰੱਬ ਦਾ, ਰੂਹ ਬੰਦੇ ਦਾ ਸੱਚ।
ਬਿਨਸਣਹਾਰ ਸਰੀਰ ਸੰਗ, ਰੂਹ ਦਿਤੀ ਰੱਬ ਰਚ।
ਰੱਬ ਦਾ ਅੰਸ਼ ਹੈ ਇਸ ਲਈ, ਗੁਣ ਰੱਬ ਦੇ ਇਸ ਕੋਲ।
ਜੀਕੂੰ ਕਿਰਨ ‘ਚ ਗੁਣ ਹਰਿਕ, ਸੂਰਜ ਦੇ ਅਣਮੋਲ।
ਰੱਬੀ ਗੁਣ ਅਪਣਾਉਣਾ, ਜੀਵ ਦਾ ਸੱਚ ਸੁਭਾਅ।
ਪਰ ਜਦ ਆਉਂਦਾ ਜਗਤ ਵਿੱਚ, ਮਾਨਵ ਬਦਲੇ ਭਾਅ।
ਦੁਨੀਆਂ ਮਾਇਆ ਜਾਲ ਹੈ, ਸਮਝ ਸਕੇ ਨਾ ਇਹ।
ਧਸਦਾ ਜਾਂਦਾ ਏਸ ਵਿੱਚ, ਰੂਹ ਤੋਂ ਪਿਆਰੀ ਦੇਹ।
ਕਾਮ, ਕ੍ਰੋਧ ਮੋਹ, ਲੋਭ ਕਰ, ਵਧਦਾ ਹੈ ਅਹੰਕਾਰ।
ਭੁਲੇ ਅਪਣੀ ਅੰਸ਼ ਨੂੰ, ਨਾ ਚੇਤੇ ਕਰਤਾਰ।
ਬੰਦਾ ਆਖੇ, ਮੈਂ ਹੀ ਮੈਂ, ਕੌਣ ਮੈਂ ਜਿਹਾ ਹੋਰ
ਸਭ ਹਥਿਆਉਣਾ ਲੋਚਦਾ, ਲਾ ਦੁਨਿਆਬੀ ਜ਼ੋਰ।
ਜਾਤਾਂ, ਗੋਤਾਂ,ਰੰਗ, ਵੰਨ, ਪਾਵੇ ਵੰਡ ਜਹਾਨ।
ਕੋਠੀ, ਗਹਿਣੇ, ਧਨ-ਮਾਲ ਦਾ, ਕਰਦਾ ਹੈ ਅਭਿਮਾਨ।
ਮੰਜ਼ਿਲ ਅਸਲੀ ਭੁੱਲ ਗਈ, ਭਟਕੇ ਅੱਧ-ਵਿਚਕਾਰ।
ਯਾਦ ਨਾ ਕੀਤਾ ਓਸ ਨੂੰ, ਕਿਵੇਂ ਮਿਲੇ ਕਰਤਾਰ।
ਨਾਮ ਜਪੇ, ਨਾ ਵੰਡ ਛਕੇ, ਸੁੱਚੀ ਕਰੇ ਨਾ ਕਾਰ।
ਵੈਰ ਵਧਾਇਆ ਨਾ ਕਰੇ, ਹਰ ਇਕ ਨਾਲ ਪਿਆਰ।
ਰੱਬੀ-ਸ਼ਕਤੀ ਛੱਡ ਕੇ, ਜੱਗ ਦੀ ਤਾਕਤ ਮੋਹ।
ਸਭ ਵੰਨਿਓ ਜਦ ਹਾਰਦਾ, ਡਰਦਾ ਛੁਪਦਾ ਓਹ।
ਚਲਦਾ ਰੱਬ ਦਾ ਹੁਕਮ ਹੈ, ਕਰੇ-ਕਰਾਵੇ ਜੋ।
ਉਸ ਬਿਨ ਡਾਲ ਨਾ ਹਿਲਦੀ, ਜਿਉਂ ਭਾਵੇ ਸਿਓਂ ਹੋ।
ਰੱਬ ਦੀ ਰਚਨਾ ਜਾਣ ਸਭ, ਜੇ ਕਰ ਕਰੇ ਪਿਆਰ,
ਵੈਰ-ਭਾਵ, ਡਰ-ਭਉ ਹਟੇ,ਖੁਸ਼ ਹੋਵੇ ਕਰਤਾਰ।
ਬੰਦਿਆ, ਮਨ ਦੀਆਂ ਛੱਡਕੇ, ਰੂਹ ਦੇ ਪਿੱਛੇ ਚੱਲ।
ਰੱਬ ਸੰਗ ਰੂਹ ਨੂੰ ਜੋੜ ਲੈ, ਤੁਰ ਨਾਂ ਜਪਣ ਦੇ ਵੱਲ।
 

Dalvinder Singh Grewal

Writer
Historian
SPNer
Jan 3, 2010
718
392
75
ਰੱਬ ਦੀ ਕ੍ਰਿਪਾ ਕੀਕੂੰ ਪਾਈਏ?

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਰੱਬ ਦੀ ਕ੍ਰਿਪਾ ਕੀਕੂੰ ਪਾਈਏ?
ਜੇ ਕਰ ਰੱਬ ਦਾ ਨਾਮ ਧਿਆਈਏ।
ਕੀਕੂੰ ਨਾਮ ‘ਚ ਚਿੱਤ ਟਿਕਾਈਏ?
ਜੇਕਰ ਧਿਆਨ ਓਸ ਵੱਲ ਲਾਈਏ।
ਕੀਕੂੰ ਅਪਣਾ ਧਿਆਨ ਟਿਕਾਈਏ?
ਅੰਦਰ ਸੁੱਚਾ ਸੱਚ ਸਮਾਈਏ।
ਮਨ ਮੰਦਿਰ ਵਿੱਚ ਰੱਬ ਬਿਠਾਈਏ।
ਸੁੱਚਾ ਸੱਚ ਕਿਸਤਰ੍ਹਾਂ ਪਾਈਏ?
ਕਿਰਤ ਕਰਮ ਚੋਂ ਖੋਟ ਹਟਾਈਏ ।
ਮੋਹ, ਮਾਇਆ ਤੋਂ ਚਿੱਤ ਛੁਡਾਈਏ।
ਕਾਮ,ਕ੍ਰੋਧ, ਅਹੰਕਾਰ ਮੁਕਾਈਏ।
ਨਿਰਮਲ ਚਿੱਤ ‘ਚ ਰੱਬ ਬੁਲਾਈਏ।
ਨਾਮ ਧਿਆਈਏ, ਅੰਗ ਸਮਾਈਏ।
ਏਦਾਂ ਉਸਦੀ ਕਿਰਪਾ ਪਾਈਏ।
 

Create an account or login to comment

You must be a member in order to leave a comment

Create account

Create an account on our community. It's easy!

Log in

Already have an account? Log in here.

Shabad Vichaar by SPN'ers

ਨਦਰਿ ਕਰਹਿ ਜੇ ਆਪਣੀ | Nadar Karey Jay Apnee
Interpreted Using the Gurbani Framework.

The Gurbani Framework calls for the use of GURBANI to understand...

SPN on Facebook

...
Top