dalvinder45
SPNer
- Jul 22, 2023
- 79
- 1
- 78
ਸਾਢੇ ਤਿੰਨ ਜਗਾਉਨੈ,
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਮਨ ਚੱਕਰਾਂ ਚ ਨੱਸੇ, ਦਿਲ ਕੀਕੂੰ ਤੈਨੂੰ ਦੱਸੇ, ਕੀ ਏ ਹੋਇਆ ਬੁਰਾ ਹਾਲ।
ਜੇ ਮੈਂ ਜੀਅ ਹਾਂ ਤੇਰਾ ਭੁੱਲਾ, ਕਿਉਂ ਨਾ ਦੱਸੇਂ ਰਾਹ ਸੁਖੱਲਾ, ਮੈਨੂੰ ਮਿਲ ਜਾਵੇਂ ਤੂੰ।
ਤੇਰੇ ਬਿਨਾ ਮੇਰਾ ਕੀ ਏ, ਬੁੱਲਾ ਪੌਣ ਦਾ ਹੀ ਜੀਆ ਏ, ਸਾਂਭ ਆਪ ਇਸ ਨੂੰ ।
ਆਪਾ ਤੇਰੇ ਚ ਮਿਲਾਣਾ, ਛੁੱਟ ਜਾਵੇ ਆਉਣਾ ਜਾਣਾ, ਸਾਂਭ ਕਾਲ ਨੂੰ ਅਕਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਤੇਰਾ ਹੋਣਾ ਜਾਂ ਨਾ ਹੋਣਾ, ਮੇਰਾ ਇਸ ਦਾ ਨਾ ਰੋਣਾਂ, ਰੋਣਾਂ ਵਿਛੜੇ ਹਾਂ ਕਿਉਂ?
ਛੱਡ ਚੋਜ ਇਹ ਨਿਆਰੇ, ਖੇਡ ਬੰਦ ਕਰ ਸਾਰੇ, ਜੋੜ ਆਪਣੇ ਸਿਉਂ।
ਤੈਥੋਂ ਦੂਰ ਰਹਿ ਨਾ ਹੋਵੇ, ਦਿਲ ਮਿਲਣੇ ਨੂੰ ਰੋਵੇ, ਸਹਿ ਨਾ ਹੁੰਦਾ ਏ ਰਵਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਤੇਰੀ ਮਰਜ਼ੀ ਹੁਕਮ, ਇਹੋ ਮੰਨਿਆਂ ਹਰਦਮ,ਕਦੇ ਲਾਂਭੇ ਨਹੀਂ ਹੋਏ।
ਭਾਣਾ ਮੰਨ ਰਹੇ ਜੀਂਦੇ, ਸਦਾ ਜਾਗਦੇ ਤੇ ਨੀਂਦੇ, ਰਹੇ ਨਾਮ ਚ ਪਰੋਏ।
ਅੱਜ ਤੜਕੇ ਸਵੇਰੇ, ਆਕੇ ਬੈਠਾ ਤੇਰੇ ਡੇਰੇ, ਹੁਣ ਆਪ ਹੀ ਸੰਭਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਮਨ ਚੱਕਰਾਂ ਚ ਨੱਸੇ, ਦਿਲ ਕੀਕੂੰ ਤੈਨੂੰ ਦੱਸੇ, ਕੀ ਏ ਹੋਇਆ ਬੁਰਾ ਹਾਲ।
ਜੇ ਮੈਂ ਜੀਅ ਹਾਂ ਤੇਰਾ ਭੁੱਲਾ, ਕਿਉਂ ਨਾ ਦੱਸੇਂ ਰਾਹ ਸੁਖੱਲਾ, ਮੈਨੂੰ ਮਿਲ ਜਾਵੇਂ ਤੂੰ।
ਤੇਰੇ ਬਿਨਾ ਮੇਰਾ ਕੀ ਏ, ਬੁੱਲਾ ਪੌਣ ਦਾ ਹੀ ਜੀਆ ਏ, ਸਾਂਭ ਆਪ ਇਸ ਨੂੰ ।
ਆਪਾ ਤੇਰੇ ਚ ਮਿਲਾਣਾ, ਛੁੱਟ ਜਾਵੇ ਆਉਣਾ ਜਾਣਾ, ਸਾਂਭ ਕਾਲ ਨੂੰ ਅਕਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਤੇਰਾ ਹੋਣਾ ਜਾਂ ਨਾ ਹੋਣਾ, ਮੇਰਾ ਇਸ ਦਾ ਨਾ ਰੋਣਾਂ, ਰੋਣਾਂ ਵਿਛੜੇ ਹਾਂ ਕਿਉਂ?
ਛੱਡ ਚੋਜ ਇਹ ਨਿਆਰੇ, ਖੇਡ ਬੰਦ ਕਰ ਸਾਰੇ, ਜੋੜ ਆਪਣੇ ਸਿਉਂ।
ਤੈਥੋਂ ਦੂਰ ਰਹਿ ਨਾ ਹੋਵੇ, ਦਿਲ ਮਿਲਣੇ ਨੂੰ ਰੋਵੇ, ਸਹਿ ਨਾ ਹੁੰਦਾ ਏ ਰਵਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
ਤੇਰੀ ਮਰਜ਼ੀ ਹੁਕਮ, ਇਹੋ ਮੰਨਿਆਂ ਹਰਦਮ,ਕਦੇ ਲਾਂਭੇ ਨਹੀਂ ਹੋਏ।
ਭਾਣਾ ਮੰਨ ਰਹੇ ਜੀਂਦੇ, ਸਦਾ ਜਾਗਦੇ ਤੇ ਨੀਂਦੇ, ਰਹੇ ਨਾਮ ਚ ਪਰੋਏ।
ਅੱਜ ਤੜਕੇ ਸਵੇਰੇ, ਆਕੇ ਬੈਠਾ ਤੇਰੇ ਡੇਰੇ, ਹੁਣ ਆਪ ਹੀ ਸੰਭਾਲ।
ਸਾਢੇ ਤਿੰਨ ਤੂੰ ਜਗਾਉਨੈ, ਵੱਲ ਅਪਣੇ ਬੁਲਾਉਨੈ, ਪਰ ਜੋੜਦਾ ਨਾ ਨਾਲ।
