• Welcome to all New Sikh Philosophy Network Forums!
    Explore Sikh Sikhi Sikhism...
    Sign up Log in

Poem Punjabi ਸਤਿਨਾਮ ਕਰਤਾਰ

Dalvinder Singh Grewal

Writer
Historian
SPNer
Jan 3, 2010
1,245
421
78
ਸਤਿਨਾਮ ਕਰਤਾਰ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਜਿਸ ਦਾ ਹਰ ਕੋਈ ਅਪਣਾ ਹੋਵੇ, ਕੋਈ ਨਾ ਹੋਵੇ ਗ਼ੈਰ।

ਸਭ ਨੂੰ ਕਰੇ ਮੁਹੱਬਤ ਜਿਹੜਾ, ਨਾ ਰੱਖੇ ਜੋ ਵੈਰ।

ਉਸ ਨੂੰ ਕਿਸ ਦਾ ਡਰ ਭਉ ਹੋਵੇ, ਉਹ ਨਿਰਭਉ ਨਿਰੰਕਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।

ਜੱਗ ਪਾਲੇ, ਸੱਭ ਨੂੰ ਦਏ ਖਾਣਾ, ਸਭ ਦੀ ਰਖਿਆ ਕਰਦਾ।

ਨਾ ਡਰ ਲੈਂਦਾ, ਨਾ ਡਰ ਦੇਂਦਾ, ਫਿਰ ਵੀ ਸਭ ਜਗ ਡਰਦਾ।

ਉਸ ਦਾ ਨਾਮ ਲਿਆਂ ਤਾਂ ਹੁੰਦਾ, ਬੇੜਾ ਭਵਜਲ ਪਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।

ਆਉਣ ਜਾਣ ਵਿਚ ਪਾਏ ਸਾਰੇ, ਨਾ ਕੋਈ ਰੁਕਦਾ ਟਿਕਦਾ।

ਸਭ ਦੀ ਮੰਜ਼ਿਲ ਹੈ ਉਹ ਇਕੋ, ਮਿਲ-ਮੁਕਣਾ ਹਰ ਸਿਕਦਾ।

ਜਾਲ ਫਸਾਏ ਮਾਇਆ ਦਾ ਜਦ, ਹਰ ਹਿੰਮਤ ਬੇਕਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।

ਉਸ ਦੇ ਹੁਕਮ ‘ਚ ਹਰ ਕੋਈ ਚੱਲਦਾ, ਹੁਕਮ ‘ਚ ਜੀਂਦਾ ਮਰਦਾ।

ਜੋ ਬੁਝ ਲੈਂਦਾ ਹੁਕਮ ਹੈ ਉਸਦਾ, ਮੈਂ ਮੇਰੀ ਨਾ ਕਰਦਾ।

ਸਭ ਤੇ ਹੁਕਮ ਚਲਾਵੇ ਜਿਹੜਾ, ਉਹ ਸੱਚੀ ਸਰਕਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।

ਸਭਨਾ ਜੀਆ ਕਾ ਇਕੁ ਦਾਤਾ, ਹੋਰ ਨਾ ਦੂਜਾ ਕੋਈ।

ਉਹ ਮਾਲਕ ਉਹ ਪ੍ਰਿਤਪਾਲਕ, ਸਭ ਨੂੰ ਦੇਵੇ ਢੋਈ।

ਉਸ ਦਾ ਵੈਰੀ ਹੋਵੇ ਕਿਹੜਾ, ਜਿਸ ਦੇ ਸਭ ਦਿਲਦਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।

ਭਉ ਉਸਦੇ ਤੋਂ ਭਾਉ ਉਪਜੇ, ਭਉ ਬਿਨ ਭਾਉ ਨਾਹੀਂ।

ਉਸ ਤੋਂ ਵਿਛੁੜਣ ਦਾ ਭਉ ਚੰਗਾ, ਨਾਮ ਰਹੇ ਜੇ ਸਾਹੀਂ

ਪਲ ਪਲ ਉਸ ਨੂੰ ਯਾਦ ਕਰੋ ਤਾਂ ਜੁੜ ਜਾਵੇਗੀ ਤਾਰ।

ਬੋਲੋ ਸਾਰੇ ਮਿਲ ਕੇ ਭਾਈ , ਸਤਿਨਾਮ ਕਰਤਾਰ।



 

Dalvinder Singh Grewal

Writer
Historian
SPNer
Jan 3, 2010
1,245
421
78
ਮਾਤਾ ਖੀਵੀ ਦਾ ਲੰਗਰ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ



ਮਾਤਾ ਖੀਵੀ ਲੰਗਰ ਚਲਾਇਆ।

ਗੁਰੂ ਨਾਨਕ ਦਾ ਹੁਕਮ ਬਜਾਇਆ।

ਰਹਿੰਦਾ ਸਦਾ ਈ ਚੁਲ੍ਹਾ ਬਲਦਾ ।

ਚੌਵੀ ਘੰਟੇ ਲੰਗਰ ਚਲਦਾ।

ਆਟਾ, ਦਾਲ, ਮਸਾਲੇ, ਸਾਰੇ।

ਚਾਵਲ, ਦੁੱਧ, ਘੀ, ਗੁੜ ਵਿਚਕਾਰੇ।

ਬਹਿੰਦੀ ਰੋਜ਼ ਬਾਲਦੀ ਚੁਲ੍ਹੇ।

ਜਿਸ ਵਿਚ ਸ਼ਰਧਾ ਅੰਮ੍ਰਿਤ ਘੁਲੇ।

ਖੀਰ, ਰੋਟੀਆਂ, ਦਾਲ ਬਣਾਉਂਦੀ।

ਸਭਨੂੰ ਪ੍ਰੇਮ ਦੇ ਨਾਲ ਛਕਾਉਂਦੀ।

ਭੁੱਖ ਕਿਸੇ ਜੀ ਨੂੰ ਨਾ ਖਾਵੇ।

ਭੁੱਖਾ ਆਵੇ ਰੱਜ ਕੇ ਜਾਵੇ।

ਗੁਰੂ ਅੰਗਦ ਲੜ ਲੱਗੀ ਮਾਈ।

ਸਾਰੀ ਆਯੂ ਇਵੇਂ ਲੰਘਾਈ।

ਧੰਨ ਧੰਨ ਹੈਂ ਮਾਤਾ ਖੀਵੀ ।

ਨਾਮ ਤੇਰਾ ਹੋਇਆ ਯੁਗ-ਜੀਵੀ।





 

swarn bains

Poet
SPNer
Apr 8, 2012
774
187
ਹਰਿ ਮਨ ਮਹਿ



ਪਾਕ ਪਵਿੱਤਰ ਮੇਰਾ ਰਾਮ, ਹਰ ਮਨ ਮਹਿ ਕਰੈ ਵਿਸਰਾਮ

ਅਪਣਾ ਮਨ ਸਾਫ ਕਰ ਬੰਦਿਆ, ਰੱਬ ਮਿਲਣ ਦਾ ਇਮਤਹਾਨ

ਹਰਿ ਨਾਮਾ ਜਪੁ ਗਾ ਪ੍ਰਭ ਰਾਗੁ, ਇਤ ਮਨ ਹੋ ਜਾਏ ਸਾਫ

ਸਾਫ ਮਨ ਮੇਰੇ ਪ੍ਰਭ ਭਾਵੈ, ਗੁਰ ਸਬਦ ਕਮਾਏ ਗੁਰ ਪਰਤਾਪ

ਰੱਬ ਕਿਧਰੋਂ ਨਹੀਂ ਆਉਂਦਾ ਜਾਂਦਾ, ਚਿੱਤ ਵਸੈ ਬਣ ਮਹਿਮਾਨ

ਪੂਜਾ ਅਰਚਾ ਕਮਾਵਣ ਬੰਦੇ, ਮਨ ਸਾਫ ਕਰਨ ਦੇ ਵੱਖਰੇ ਧੰਦੇ

ਇਹ ਆਖੈ ਖੋਈ ਉਹ ਆਖੈ, ਰੱਬ ਮਿਲਣ ਕੂ ਪੂਜਣ ਸਭ ਬੰਦੇ

ਰੱਬ ਇਕ ਉਹਦਾ ਬਿਰਦ ਇਕ, ਕਿਤ ਵਿਧ ਹੋਵੈ ਪ੍ਰਭ ਪਹਿਚਾਣ

ਜੋ ਜਨ ਹਰਿ ਨਾਮ ਧਿਆਵੈ, ਹਰਿ ਨਾਮਾ ਮਨ ਮਾਹਿ ਵਸਾਵੈ

ਹਰਿ ਨਾਮ ਜਪੁ ਮਨ ਸਾਫ ਕਰਾਵੈ, ਹਰਿ ਪ੍ਰਭ ਮਨ ਮਾਹਿ ਸਮਾਵੈ

ਹਰਿ ਹਰਿ ਨਾਮ ਜਪੈ ਇਨਸਾਨ, ਨਾਮ ਜਪੁ ਰੱਬ ਕਰੈ ਵਿਖਿਆਨ

ਮੇਰਾ ਰੱਬ ਮਨ ਮਹਿ ਵਸਦਾ, ਛੁਪ ਕੇ ਰਹਿੰਦਾ ਕਿਸੇ ਨਾ ਦੱਸਦਾ

ਜੋ ਜਨ ਮਨ ਸਿੱਧਾ ਕਰਦਾ, ਤਿਸ ਸੰਗ ਮੁਸਕਰਾਉਂਦਾ ਤੇ ਹਸਦਾ

ਹਰਿ ਹਰਿ ਕਰਤ ਹਰੇ ਹਰਿ ਹੋਵੈ, ਰਾਮ ਨਾਮ ਸੰਗ ਕਰੈ ਇਸ਼ਨਾਨ

ਜੋ ਜਨ ਹਰਿ ਹਰਿ ਨਾਮ ਧਿਆਵੈ, ਤਿਸ ਜਨ ਮਨ ਸਾਫ ਹੋ ਜਾਵੈ

ਆਪ ਜਪੈ ਸਦ ਹਰਿ ਹਰਿ ਨਾਮਾ, ਸੋ ਜਨ ਸੰਤ ਬਣ ਆਵੈ

ਸੰਤ ਪ੍ਰਭੂ ਮੈ ਭੇਦ ਨ ਕਾਈ, ਬੈਂਸ, ਮਨ ਮਹਿ ਸੰਤ ਪ੍ਰਭ ਏਕੋ ਜਾਣ

ਪ੍ਰਭ ਜੂ ਹਰ ਮਨ ਮਹਿ ਵਸਦਾ, ਅਪਣਾ ਭੇਦ ਕਿਸੇ ਨੀ ਦੱਸਦਾ

ਅਪਣਾ ਮਨ ਖੋਜਣਾ ਪੈਂਦਾ, ਰੂਹ ਬਣ ਰੱਬ ਮਨ ਮਹਿ ਵਸਦਾ

ਹਰ ਜਾ ਹਰ ਜਾਈ ਹਰਿ ਜੂ, ਪੂਜ ਰਾਮ ਪ੍ਰਗਟ ਹੋਏ ਮਨ ਰਾਮ

ਇਕ ਉਹ ਰੱਬ ਅਖਵਾਵੈ, ਜੋ ਜੱਗ ਸਾਜਿ ਕਰੈ ਨਿਸਤਾਰਾ

ਦੂਸਰ ਹੋਵੈ ਗੁਰ ਸਤਿਗੁਰੂ, ਜਿਨ ਸਿਖਿ ਸਿੱਖ ਹੋਵੈ ਨਿਸਤਾਰਾ

ਪੂਜੋ ਰਾਮ ਕਰੋ ਗੁਰ ਸੇਵਾ, ਸਾਧ ਸੰਤਨ ਮਹਿ ਵਸੈ ਭਗਵਾਨ

ਗੁਰ ਸਬਦ ਕਮਾਇ ਨਾਮ ਧਿਆਇ, ਮਨ ਮਹਿ ਰਾਮ ਵਸ ਜਾਏ

ਹਰਿ ਹਰਿ ਜਪਤੁ ਹਰੇ ਹਰਿ ਹੋਈਐ, ਨਾਮ ਜਪਤ ਜਨ ਰਾਮ ਸਮਾਏ

ਮਨ ਰਾਮ ਤਨ ਜਿਹਵਾ ਰਾਮ, ਰਾਮ ਰਾਮ ਜਪੁ ਮਨ ਪ੍ਰਗਟੈ ਰਾਮ
 

Dalvinder Singh Grewal

Writer
Historian
SPNer
Jan 3, 2010
1,245
421
78
ਪੰਜ ਚੋਰ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ।
ਜੇ ਨਾ ਬਚਿਆ, ਕੁਝ ਨ ਰਹਿਣਾ, ਮਨ ਨੁੰ ਇਹ ਸਮਝਾ ਪਹਿਲਾਂ।
ਇਕ ਚੋਰ ਤਾਂ ਕਾਮ ਦਾ ਏਥੇ, ਮਨ ਨੂੰ ਇਹ ਭਰਮਾਉਂਦਾ ਏ,
ਐਬ, ਵਾਸਨਾ, ਝੂਠ, ਬਖੀਲ਼ੀ, ਅਪਣੇ ਨਾਲ ਲਿਆਉਂਦਾ ਏ,
ਤਨ ਨੁੰ ਲਗਦਾ ਘੁਣ ਦੇ ਵਾਂਗੂ, ਦਿੰਦਾ ਮਨ ਗੰਧਲਾ ਪਹਿਲਾਂ।
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ।
ਦੂਜਾ ਚੋਰ ਹੈ ਗੁੱਸਾ, ਜਿਸ ਨੇ, ਅਮਨ ਚੈਨ ਤੇਰਾ ਖੋਹਿਆ ਹੈ,
ਵੈਰ, ਵਿਰੋਧ, ਤਕੱਬਰ, ਝਗੜੇ, ਪਿਆਰ ਦਿਲਾਂ ਚੋ ਮੋਇਆ ਹੈ,
ਮੰਦੇ ਬੋਲ ਨੇ ਡੰਗਦੇ ਹਿੱਕ ਨੂੰ, ਮਨ ਤੋਂ ਗੁੱਸਾ ਲਾਹ ਪਹਿਲਾਂ।
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ।
ਤੀਜਾ ਚੋਰ ਹੈ ਲੋਭ ਲਾਲਚ ਦਾ, ਹੱਕ ਹੋਰਾਂ ਦਾ ਖੋਂਹਦਾ ਹੈ,
ਮਾਇਆ ਵਿਚ ਗੁਆਚਾ ਹੋਇਆ, ਸਮਝ ਪਵੇ ਤਦ ਰੋਂਦਾ ਹੈ,
ਖਾਲੀ ਆਇਆ, ਖਾਲੀ ਜਾਣਾ, ਸੱਚ ਅਪਣੇ ਲੜ ਲਾ ਪਹਿਲਾਂ।
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ।
ਚੌਥਾ ਮੋਹ ਦਾ ਚੋਰ ਜੋ ਰੱਬ ਦੀ ਕਿਰਤ ਨੂੰ ਅਪਣੀ ਕਹਿੰਦਾ ਹੈ,
ਪਿਆਰ ‘ਚ ਅੰਨ੍ਹਾਂ ਹੋਇਆ ਭੁਲਦਾ, ਸਦਾ ਨਹੀਂ ਕੋਈ ਰਹਿੰਦਾ ਹੈ,
ਨਾਤੇ, ਰਿਸ਼ਤੇ ਝੂਠੇ ਸਾਰੇ, ਗਲ ਦਿਲ ਤੇ ਇਹ ਲਾ ਪਹਿਲਾਂ।
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ
ਪੰਜਵਾਂ ਚੋਰ ਹੈ ਅਹੰਕਾਰ ਦਾ, ਮੇਰੀ ਮੇਰੀ ਕਰਦਾ ਹੈ,
‘ਮੈਂ ਆਹ” ‘ਮੈਂ ਅਹੁ’ ਖੁਦ ਵਡਿਆਈ, ਅਕਲ ਤੇ ਪਾਇਆ ਪਰਦਾ ਹੈ।
ਸਭਨਾਂ ਜੀਆਂ ਦਾ ਇਕੁ ਦਾਤਾ, ਦਿਤਾ ਏਸ ਭੁਲਾ ਪਹਿਲਾਂ।
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ।
ਕਾਮ, ਕ੍ਰੋਧ, ਮੋਹ, ਲੋਭ ਚੋਰ ਜੋ, ਜ਼ੁਲਮ ਗਜ਼ਬ ਦਾ ਢਾਉਂਦੇ ਨੇ
ਇਨਸਾਨਾਂ ਨੂੰ ਪਸ਼ੂਆਂ ਤੋਂ ਵੀ ਬਦਤਰ ਇਹੋ ਬਣਾਉਂਦੇ ਨੇ।
ਰੱਬ ਦਾ ਜੀ ਹੈਂ, ਰੱਬ ਨੂੰ ਹੀ ਜਪ, ਗਲ ਤੋਂ ਚੋਰ ਹਟਾ ਪਹਿਲਾਂ॥
ਚੋਰਾਂ ਦੇ ਪਿੰਡ ਫਸ ਗਿਐਂ ਮਿਤਰਾ, ਅਪਣਾ ਪਿੰਡ ਬਚਾ ਪਹਿਲਾਂ॥
 

swarn bains

Poet
SPNer
Apr 8, 2012
774
187
ਪੁਰਾਣਾ
ਜੋ ਕੁਝ ਜੱਗ ਚ ਨਜ਼ਰੀ ਆਵੈ, ਅੰਤ ਕੂ ਹੋਏ ਪੁਰਾਣਾ
ਸੱਚ ਕਮਾਉਣਾ ਸੱਚ ਧਿਆਉਣਾ, ਸੱਚੋ ਸੱਚ ਸਮਾਉਣਾ
ਜੰਮ ਪਲ ਕੈ ਵੱਡ ਹੋਵੈ, ਕਿਰਤ ਕਰੈ ਦਿਨ ਰਾਤ
ਖੱਟੈ ਵੱਟੈ ਸੰਗ ਲੈ ਜਾਵੈ, ਬਣ ਜਾਵੈ ਪੁੰਨ ਤੇ ਪਾਪ
ਬੁੱਢੇ ਰੰਗ ਬਦਲਾਵੈ, ਸਾਹ ਰੁਕੈ ਅੰਤ ਮਰ ਜਾਣਾ
ਹਲ ਵਾਹ ਬੀਜ ਕਪਾਹ, ਮੁੜ ਫੁੱਲ ਫਲ ਲੱਗ ਜਾਵੇ
ਖੁੰਬ ਚੜ੍ਹਾ ਧਾਗਾ ਵੱਟੇ, ਖੱਡੀ ਪਾ ਲੀੜਾ ਬਣ ਜਾਵੈ
ਸੂਈ ਧਾਗੇ ਸੀਵੈ ਲੀੜਾ, ਪੁਰਾਣਾ ਹੋਏ ਫਟ ਜਾਣਾ
ਹਲ ਵਾਹ ਖੇਤ ਸੋਧ ਕੈ, ਫਿਰ ਵਿਚ ਬੀਆ ਪਾ
ਬੀਜ ਉਗ ਫੁੱਤ ਫਲ ਲੱਗੈ, ਅੰਤ ਜਾਏ ਮੁਰਝਾ
ਵੱਢ ਕੱਢ ਘਰ ਲੈ ਆ, ਰਿਨ੍ਹ ਪਕਾ ਫਿਰ ਖਾਣਾ
ਇਤ ਵਿਧ ਜੱਗ ਚੱਲੈ ਬੈਂਸ, ਕੋਈ ਨਹੀਂ ਕਿਸ ਜੇਹਾ
ਜੇਹਾ ਬੀਜੈ ਤੇਹਾ ਉਗਵੈ, ਪੰਛੀ ਨਹੀਂ ਮਾਣਸ ਦੇਹਾ
ਕਰਮ ਕਮਾਵੈ ਸੋ ਫਲ ਪਾਵੈ, ਦਰਗਹਿ ਜਾਏ ਸਿਆਣਾ
ਕਰਮ ਲਿਖੈ ਮੱਥੇ ਲੇਖਾ, ਅਗਲਾ ਜਨਮ ਮਿਲ ਪਾਏ
ਲੱਖ ਚੁਰਾਸੀ ਮੇਦਨੀ, ਇਤ ਜਨਮ ਬੰਦੇ ਦਾ ਪਾਏ
ਨਿੰਦਾ ਛੱਡ ਤਾਤ ਪਰਾਈ, ਬਹੁੜ ਜੱਗ ਨੀ ਆਉਣਾ
ਸਭ ਜੀਵ ਹੈਂ ਇਕ ਦਮੀਂ, ਛੇਤੀ ਸਾਹ ਲੈਂਦੇ ਜਾਵਣ
ਸਾਹ ਰੁਕਣ ਤੋਂ ਡਰਦੇ ਸਭ , ਸਾਹ ਰੁਕੈ ਮਰ ਜਾਵਣ
ਜਿਸ ਤੈਨੂੰ ਸਾਹ ਬਖਸ਼ੇ, ਕਿਉਂ ਨਾ ਤਿਸੈ ਧਿਆਉਣਾ
ਗੁਰੂ ਬਣਾ ਸਬਦ ਕਮਾ, ਬੈਂਸ ਜੋ ਆਖੇ ਕਰ ਵਖਾ
ਇਰ ਪਗ ਚੱਲ ਗੁਰੂ ਦਸ ਆਵੈ, ਤੱਕੈ ਤੇਰਾ ਰਾਹ
ਗੁਰੂ ਮਨਾ ਨਾਮ ਧਿਆ, ਮਨ ਮਹਿ ਰਾਮ ਵਸ ਜਾਣਾ
ਰੱਬ ਗੁਰੂ ਮਨ ਵਸਦਾ, ਗੁਰੂ ਰਾਹ ਰੱਬ ਦਾ ਦੱਸਦਾ
ਗੁਰ ਮੂਰਤ ਚਿੱਤ ਵਸਾ, ਮਨ ਉਰੇ ਪਰੇ ਨੀ ਨੱਸਦਾ
ਨਾਮ ਧਿਆ ਮਨ ਮਾਹਿ, ਹਰਿ ਮਨ ਮਾਹਿ ਵਸਾਉਣਾ
ਗੁਰ ਪ੍ਰਭ ਮਿਲਣ ਕੀ ਸਾਧਨਾ, ਪਹਿਲ ਗੁਰੂ ਦੂ ਰੱਬ
ਲੋਕਾ ਸਮਝ ਨ ਆਵੈ, ਐਵੇਂ ਭੁੱਲਿਆ ਫਿਰਦਾ ਜੱਗ
ਪੂਜ ਗੁਰੂ ਰੱਬ ਜਾਣ, ਮਨ ਮਹਿ ਪ੍ਰਭ ਪ੍ਰਗਟਾਉਣਾ
 

swarn bains

Poet
SPNer
Apr 8, 2012
774
187
ਗੁਰਬਾਣੀ ਗੁਰੂ

ਗੁਰ ਸਤਿਗੁਰ ਸਿਖਿ ਸੁਣਾਵੈ, ਸਤਿਗੁਰ ਦੀ ਬਾਣੀ ਅਖਵਾਵੈ

ਗੁਰਬਾਣੀ ਗੁਰਸਬਦ ਸਿਖਾਵੈ, ਮੇਰੇ ਸੱਚੇ ਸਤਿਗੁਰ ਭਾਵੈ

ਸਤਿਗੁਰ ਮੁੱਖ ਬੋਲੈ ਸੱਚ ਤੋਲੈ, ਜੇ ਸੇਵਕ ਜਨ ਮਨ ਭਾਵੈ

ਗੁਰਬਾਣੀ ਪੜ੍ਹ ਸੁਣ ਚਿੱਤ ਚਿਤਾਰੈ, ਜਨ ਮਨ ਮਾਹਿ ਵਸਾਵੈ

ਗੁਰਬਾਣੀ ਸਤਿਗੁਰੂ ਸਿਖਿਆ, ਜੋ ਸਤਿਗੁਰ ਸਬਦ ਸੁਣਾਵੈ

ਮੀਠੀ ਬਾਣੀ ਸਤਿਗੁਰੂ ਸੁਣਾਵੈ, ਸੇਵਕ ਗਰਹਿਣ ਕਰ ਪਾਵੈ

ਬਾਣੀ ਉਚਰੈ ਸਬਦ ਵਿਚਰੈ, ਸੇਵਕ ਮਨ ਗੁਰ ਭੇਦ ਨ ਪਾਵੈ

ਗੁਰਸਬਦ ਕਮਾਵੈ ਅਮਲ ਕਮਾਵੈ, ਗੁਰ ਮੂਰਤ ਚਿੱਤ ਵਸਾਵੈ

ਸਬਦ ਸੁਰਤ ਧੁੰਨ ਮਨ ਸੇਵਾ, ਸਤਿਗੁਰ ਹਰਿ ਨਾਮ ਧਿਆਵੈ

ਗੁਰ ਗੁਰ ਕਰਤ ਗੁਰ ਮਨ ਵਸੈ, ਸਤਿਗੁਰ ਚਰਨ ਧਿਆਵੈ

ਪਾਣੀ ਢੋਵੈ ਚਰਣਨੋਦਕ ਸੰਗ ਪੈਰ ਧੋਵੈ, ਧੂੜ ਗੁਰੂ ਮੁੱਖ ਲਾਵੈ

ਨਿਮਾਣਿਆਂ ਮਾਣ ਬਖਸੈ ਗੁਰਦੇਵਾ, ਸੇਵਕ ਸੰਗ ਪਿਆਰ ਜਤਾਵੈ

ਇਕ ਪਗ ਸੇਵਕ ਸੇਵ ਕਮਾਵੈ, ਸਤਿਗੁਰ ਦਸ ਪਗ ਚੱਲ ਆਵੈ

ਜ਼ਰਾ ਕਮਾ ਕੇ ਵੇਖ ਬੈਂਸ ਜੀ, ਗੁਰ ਤੇਰਾ ਮਨ ਖਿੱਚ ਲੈ ਜਾਵੈ

ਸੰਗ ਗੁਰ ਸੰਗਤ ਸੁਣੈ ਗੁਰਬਾਣੀ, ਹਰਿ ਹਰਿ ਨਾਮ ਧਿਆਵੈ

ਗੁਰ ਸਿਖਿਆ ਰਾਮ ਅਰਾਧੈ, ਗੁਰਬਾਣੀ ਚੋਂ ਗੁਰ ਦਿਸਣ ਪਾਵੈ

ਸਤਿਗੁਰ ਆਖੈ ਗੁਰਬਾਣੀ ਭਾਖੈ, ਸੇਵਕ ਮਨ ਭੇਦ ਮਿਟ ਜਾਵੈ

ਗੁਰ ਸਿਖਿ ਸੂਝੈ ਬਾਣੀ ਬੂਝੈ, ਬਾਣੀ ਗੁਰੂ ਗੁਰੂ ਬਣ ਆਵੈ

ਮਨ ਸਾਧ ਕੈ ਮਨ ਸਮਝਾਵੈ, ਗੁਰ ਮਨ ਮਹਿ ਪਰਚਾ ਪਾਵੈ

ਸਤਿਗੁਰ ਸਿਖ ਸਖਾ ਹੈ ਭਾਈ, ਜਨ ਗੁਰ ਦਰ ਢਹਿ ਜਾਵੈ

ਸਤਿਗੁਰ ਮਿਤ੍ਰ ਮੀਤ ਸਭਸ ਕਾ, ਹਰਿ ਗੁਰ ਮੰਤਰ ਦ੍ਰਿੜਾਵੈ

ਗੁਰ ਮੰਤਰ ਸੇਵਕ ਮਨ ਭਾਵੈ, ਜਨ ਤਨ ਮਨ ਲੈ ਦਰ ਜਾਵੈ

ਹਰਿ ਪ੍ਰਭ ਹਰ ਮਨ ਵਿਚ ਵਸਦਾ, ਨਾ ਕਿਤ ਆਵੈ ਨਾ ਜਾਵੈ

ਗੁਰ ਸਤਿਗੁਰ ਹਰਿ ਸਿਖ ਸਖਾ, ਗੁਰ ਸਿਖਿ ਹਰਿ ਪ੍ਰਭ ਭਾਵੈ

ਗੁਰ ਸਤਿਗੁਰ ਹਰਿ ਭੇਦ ਨ ਕਾਈ, ਗੁਰ ਮਨ ਮਹਿ ਪ੍ਰਭ ਪ੍ਰ੍ਗਟਾਵੈ
 

Dalvinder Singh Grewal

Writer
Historian
SPNer
Jan 3, 2010
1,245
421
78
ਵੱਡਾ ਕੌਣ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਵੱਡੇ ਵੱਡੇ ਜੋ ਦਿਸਦੇ ਲੋਗ।
ਉਨ੍ਹਾਂ ਨੂੰ ਵੱਡੇ ਚਿੰਤਾ ਰੋਗ।
ਕਾਮ, ਕ੍ਰੋਧ, ਮੋਹ, ਲੋਭ, ਅਹੰਕਾਰ,
ਵੱਡਿਆਂ ਦੇ ਇਹ ਵੱਡੇ ਵਿਕਾਰ।
ਨਾ ਵੱਡੇ ਰਾਜੇ ਮਹਾਰਾਜੇ,
ਵੱਡਾ ਉਹ ਜਿਸ ਨੇ ਸਭ ਸਾਜੇ।
ਨਾ ਪਦ ਵੱਡਾ, ਨਾ ਵੱਡੀ ਮਾਇਆ,
ਵੱਡਾ ਉਹ ਜਿਸ ਜਗਤ ਬਣਾਇਆ।
ਵੱਡਾ ਉਹ ਜੋ ਰੱਬ ਸੰਗ ਜੁੜਦਾ,
ਰੋਗ-ਮੁਕਤ ਹੋ ਸੱਚ ਘਰ ਮੁੜਦਾ।
ਜੀਵਨ ਦਾ ਇਹ ਅਸਲੀ ਸਾਰ।
ਹੋਣਾ ਮੁਕਤ ਤਾਂ ਭਜ ਕਰਤਾਰ।
 

Dalvinder Singh Grewal

Writer
Historian
SPNer
Jan 3, 2010
1,245
421
78
ਸ਼ਾਂਤ ਪਲਾਂ ਵਿੱਚ ਜੀਣਾ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ



ਸ਼ਾਂਤ ਪਲਾਂ ਵਿੱਚ ਜੀਣਾ ਤੇ ਉਸ ਸੰਗ ਜੁੜ ਜਾਣਾ।

ਵੇਲਾ ਇਸ ਤੋਂ ਹੋ ਸਕਦਾ ਨਾ ਹੋਰ ਸੁਹਾਣਾ।

ਨ੍ਹੇਰੇ ਦੀ ਬੁੱਕਲ ਵਿੱਚ ਵਰ੍ਹਦੀਆਂ ਚਾਨਣ ਰਿਸ਼ਮਾਂ।

ਅੰਦਰ ਬਾਹਰ ਨੂਰ ਵਰਸਦੇ ਵਿੱਚ ਸਮਾਣਾ,

ਦੂਰ ਪਰੇ ਦੁਨੀਆਂ ਤੋਂ ਵਿਕੋਲਿਤਰੇ ਪਲ ਨੇ,

ਰੱਬ ਦੀ ਦਾਤ ਨਿਰਾਲੀ, ਉਸ ਨੂੰ ਦਿਲੋਂ ਧਿਆਣਾ।

ਸਾਹਾਂ ਦਾ ਥਮ ਜਾਣਾ ਧੜਕਣ ਵਧਦੀ ਜਾਣੀ,

ਹਰ ਧੜਕਣ ਦੇ ਵਿੱਚ ਓਸਦਾ ਆਪੂੰ ਆਣਾ।

ਲੋੜ ਨਹੀਂ ਕੋਈ ਹੋਰ ਓਸ ਨੂੰ ਮਿਲਣੇ ਬਾਝੋਂ,

ਨਾਮ ਨਾਲ ਗ੍ਰੇਵਾਲ ਜੁੜੀਂ ਛੱਡ ਮਨ ਭਟਕਾਣਾ।



ਮੈਂ ਕੁਝ ਨਾ ਜਾਣਾ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ



ਜਾਣ ਜਾਣ ਕੇ ਜਾਣਿਆਂ ਮੈਂ ਕੁਝ ਨਾ ਜਾਣਾ।

ਥਾਹ ਰੱਬ-ਰਚਨਾ ਦੀ ਨਹੀਂ ਮੈਂ ਕਿਵੇਂ ਬਖਾਣਾ।

ਇੱਕ ਤੁਪਕਾ ਕੀ ਜਾਣਦਾ ਸਾਗਰ ਵਿਸਥਾਰਾ,

ਇੱਕ ਐਟਮ ਕੀ ਜਾਣਦਾ ਹੈ, ਧਰਤ ਪਸਾਰਾ।

ਅੰਤ ਖਿਤਿਜ ਦਾ ਕਿੰਜ ਲਵੇ ਪੰਛੀ ਅਣਜਾਣਾ।

ਥਾਹ ਰੱਬ-ਰਚਨਾ ਦੀ ਨਹੀਂ ਮੈਂ ਕਿਵੇਂ ਬਖਾਣਾ।

ਕੱਠੀਆਂ ਕਰ ਕੇ ਡਿਗਰੀਆਂ ਅਗਿਆਨ ਵਧਾਇਆ।

ਆਪ ਪਛਾਨਣ ਵੱਲ ਨਾ ਇੱਕ ਪਲ ਵੀ ਲਾਇਆ।

ਨਾਮ ਕਮਾਇਆ ਜੇ ਨਹੀਂ ਕੀ ਹੋਰ ਕਮਾਣਾ।

ਥਾਹ ਰੱਬ-ਰਚਨਾ ਦੀ ਨਹੀਂ ਮੈਂ ਕਿਵੇਂ ਬਖਾਣਾ।

ਪਹਿਲਾਂ ਆਪਾ ਸਮਝ, ਲੱਭ ਜੀਵਨ ਦਾ ਮਕਸਦ,

ਮੂਲ ਨੂੰ ਪਾਉਣ ਸਮਾਉਣ ਦੀ ਕਰ ਹਿੰਮਤ,ਮਿਹਨਤ।

ਸੱਚ ਘਰ ਪਹੁੰਚ ਹੋ ਸ਼ਾਂਤ, ਛੱਡ ਮਨ ਨੂੰ ਭਟਕਾਣਾ।

ਥਾਹ ਰੱਬ-ਰਚਨਾ ਦੀ ਨਹੀਂ ਮੈਂ ਕਿਵੇਂ ਬਖਾਣਾ।
 

Dalvinder Singh Grewal

Writer
Historian
SPNer
Jan 3, 2010
1,245
421
78
ਇੱਕ ਤੇਰਾ ਸਹਾਰਾ
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ

ਬਿਖੜੇ ਪੈਂਡੇ ਸਾਥੀ ਟਾਵੇਂ,
ਵਧ ਚੱਲੇ ਅਸੀਂ ਰੱਬ ਦੇ ਨਾਵੇਂ।
ਮੰਜ਼ਿਲ ਲੰਬੀ ਰਾਹ ਕੰਡਿਆਲੀ।
ਝਖੜ ਝਾਂਜੇ, ਰਾਤ ਹੈ ਕਾਲੀ।
ਮੰਜ਼ਿਲ ਉੱਚੀ, ਸਖਤ ਚੜ੍ਹਾਈ,
ਪੈਰ ਪੈਰ ਤੇ ਨਵੀਂ ਲੜਾਈ।
ਝੂਝਣ ਦਾ ਜਦ ਚਿੱਤ ਇਰਾਦਾ,
ਹਿੱਕ ਵਿੱਚ ਡਟੇ ਰਹਿਣ ਦਾ ਮਾਦਾ।
ਹੈ ਮੰਜ਼ੂਰ ਹਰ ਔਕੜ ਸਹਿਣੀ।
ਆਸ਼ਾ ਹੈ ਮੰਜ਼ਿਲ ਪਾ ਲੈਣੀ।
ਲੀਤਾ ਇਕੋ ਸੱਚ ਸਹਾਰਾ,
ਦਾਅ ਤੇ ਲਾਇਆ ਜੀਵਨ ਸਾਰਾ।
ਰੱਖੀ ਓਟ ਤੇਰੀ ਕਰਤਾਰ।
ਆਪੇ ਲਾਈਂ ਬੇੜਾ ਪਾਰ।
 

swarn bains

Poet
SPNer
Apr 8, 2012
774
187
ਇੱਕ ਤੇਰਾ ਸਹਾਰਾ
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ

ਬਿਖੜੇ ਪੈਂਡੇ ਸਾਥੀ ਟਾਵੇਂ,
ਵਧ ਚੱਲੇ ਅਸੀਂ ਰੱਬ ਦੇ ਨਾਵੇਂ।
ਮੰਜ਼ਿਲ ਲੰਬੀ ਰਾਹ ਕੰਡਿਆਲੀ।
ਝਖੜ ਝਾਂਜੇ, ਰਾਤ ਹੈ ਕਾਲੀ।
ਮੰਜ਼ਿਲ ਉੱਚੀ, ਸਖਤ ਚੜ੍ਹਾਈ,
ਪੈਰ ਪੈਰ ਤੇ ਨਵੀਂ ਲੜਾਈ।
ਝੂਝਣ ਦਾ ਜਦ ਚਿੱਤ ਇਰਾਦਾ,
ਹਿੱਕ ਵਿੱਚ ਡਟੇ ਰਹਿਣ ਦਾ ਮਾਦਾ।
ਹੈ ਮੰਜ਼ੂਰ ਹਰ ਔਕੜ ਸਹਿਣੀ।
ਆਸ਼ਾ ਹੈ ਮੰਜ਼ਿਲ ਪਾ ਲੈਣੀ।
ਲੀਤਾ ਇਕੋ ਸੱਚ ਸਹਾਰਾ,
ਦਾਅ ਤੇ ਲਾਇਆ ਜੀਵਨ ਸਾਰਾ।
ਰੱਖੀ ਓਟ ਤੇਰੀ ਕਰਤਾਰ।
ਆਪੇ ਲਾਈਂ ਬੇੜਾ ਪਾਰ।
 

swarn bains

Poet
SPNer
Apr 8, 2012
774
187

ਮਨ ਸਾਧਨਾ​

ਮਨ ਸਾਧ ਰੱਬ ਸਾਜਿਆ ਜੱਗ, ਮਨ ਅੰਦਰ ਛੁਪਿਆ ਰੱਬ​

ਕੋਈ ਇਹ ਆਖੇ ਕੋਈ ਉਹ ਆਖੇ, ਭਰਮਾਂ ਵਿਚ ਰੁਲਿਆ ਫਿਰਦਾ ਜੱਗ

ਇਸ਼ਕ ਦਾ ਰਾਜ਼ ਅਵੱਲਾ , ਯਾਰ ਪਿਆਰ ਵਸ ਰਾਮ ਅੱਲਾ​

ਇਸ਼ਕ ਵਿਚ ਰੱਬ ਵਸਦਾ, ਆਸ਼ਿਕ ਇਸ਼ਕ ਚ ਹੋ ਜਾਏ ਝੱਲਾ​

ਮਨ ਦੀ ਨਿਰਮਲ ਦਸ਼ਾ ਇਸ਼ਕ, ਯਾਰ ਪਿਆਰ ਦਾ ਮੁਸ਼ਕ ਇਸ਼ਕ

ਇਸ਼ਕ ਵਿਚ ਰੱਬ ਜੱਗ ਸਾਜਿਆ, ਸਾਰੇ ਜੱਗ ਦਾ ਮਾਲਕ ਪ੍ਰਭ ਇਕ

ਹਰ ਮਨ ਅੰਦਰ ਰੱਬ ਵਸਦਾ, ਛੁਪ ਕੇ ਰਹਿੰਦਾ ਕਿਸੇ ਨੀ ਦੱਸਦਾ

ਜੱਗ ਤੋਂ ਛੁਪ ਕੇ ਮਾਰੇਂ ਠੱਗੀਆਂ, ਕਿਵੇਂ ਛੁਪਾਵੇਂ ਜੋ ਮਨ ਵਿਚ ਵਸਦਾ

ਜਿਹਨੇ ਤੈਨੂੰ ਜੱਗ ਵਿਚ ਘੱਲਿਆ, ਉਹਨੂੰ ਧਿਆਇਆ ਕਰ ਨਿੱਤ

ਹਰ ਜਾ ਹਰ ਜਾਈ ਹਰਿ, ਸਾਰੇ ਜੱਗ ਦਾ ਮੇਰਾ ਪਿਆਰਾ ਮਿੱਤ

ਮਨ ਵਿਚ ਛੁਪ ਕਰਤੂਤਾਂ ਵੇਖੇ, ਪਰ ਕਦੀ ਕਿਸੇ ਨੀ ਦੱਸਦਾ

ਬੈਂਸ, ਜੋ ਕਮਾਵੇਂ ਹਰਿ ਪ੍ਰਭ ਜਾਣੇ, ਲਿਖ ਲੈਂਦਾ ਵੇਖ ਕੇ ਹਸਦਾ

ਬਾਰ ਬਾਰ ਨਿਹਮਤਾਂ ਨਹੀਂ ਵੰਡਦਾ, ਇਕ ਬਾਰ ਸਭਨਾ ਕੂ ਦੇਵੇ

ਅਪਣੇ ਕਰਮਾਂ ਦਾ ਫਲ ਮਿਲਦਾ, ਕਿਸੇ ਖਾਕ ਕਿਸੇ ਮਿਲਦੇ ਮੇਵੇ

ਮਿਲਦਾ ਉਹੋ ਜੋ ਆਪ ਕਮਾਇਆ, ਰੱਬ ਕਿਸੇ ਨਾ ਕਰੈ ਲਿਹਾਜ

ਕਿਸੇ ਪੈਦਲ ਕਿਸੇ ਚੜ੍ਹਨਾ ਘੋੜੇ, ਕਿਸੇ ਚੜ੍ਹਨ ਨੂੰ ਮਿਲਣ ਜਹਾਜ਼

ਐਵੇਂ ਨਾ ਬੈਂਸ ਹੱਥ ਅੱਡਿਆ ਕਰ, ਓਥੇ ਕਰਮਾਂ ਤੇ ਹੋਣ ਨਬੇੜੇ

ਅਪਣੇ ਕਰਮਾਂ ਦਾ ਫਲ ਮਿਲਦਾ, ਕਿਸੇ ਦੇਰ ਨਾਲ ਕਿਸੈ ਕੂ ਨੇੜੇ

ਆ ਬੈਂਸ ਤੈਨੂੰ ਮਿਲ ਸਮਝਾਵਾਂ, ਕਿੱਥੇ ਵਸਦਾ ਏ ਤੇਰਾ ਰੱਬ

ਮਨ ਸਾਧ ਮਨ ਸਾਫ ਕਰ ਲੈ, ਨਿਰਮਲ ਮਨ ਚ ਜਾਹਰ ਰੱਬ

ਦਿਲ ਦਮਾਗ ਚੋਂ ਮਾਰ ਨਕਲਾਂ, ਤਰਾਂ ਤਰਾਂ ਦੇ ਬਣ ਗਏ ਧਰਮ

ਕੋਈ ਇਹ ਪੂਜੈ ਕੋਈ ਉਹ ਪੂਜੈ, ਪੂਜ ਪੂਜ ਨਿੱਤ ਵਧਣ ਭਰਮ

ਹਰ ਮਨ ਦੇ ਵਿਚ ਵਸਦਾ ਸੁਹਣਾ, ਬਿਨਾ ਯਾਰ ਕਿਸੇ ਨ ਜਾਤਾ

ਯਾਰ ਪਿਆਰ ਰੱਬ ਦੀ ਗੁੜ੍ਹਤੀ, ਯਾਰ ਮਨ ਚ ਪ੍ਰਗਟਾਵੈ ਦਾਤਾ

ਨੌਂ ਦਰਵਾਜੇ ਹਰ ਮਨ ਅੰਦਰ, ਦਸਵਾਂ ਦਰ ਹਰਿ ਪ੍ਰਭ ਦਾ ਮੰਦਰ

ਗੁਰ ਦਾਤਾ ਮੇਰਾ ਜਗਤ ਵਿਧਾਤਾ, ਪ੍ਰਭ ਪ੍ਰਗਟਾਵੈ ਮਨ ਦੇ ਅੰਦਰ
 

Dalvinder Singh Grewal

Writer
Historian
SPNer
Jan 3, 2010
1,245
421
78
ਦਸਤਾਰ

ਡਾ ਦਲਵਿੰਦਰ ਸਿੰਘ ਗੇਵਾਲ



ਜਿਸ ਸਿਰ ਤੇ ਦਸਤਾਰ ਨਹੀਂ ਹੈ,

ਉਹ ਤਾਂ ਸਿੰਘ ਸਰਦਾਰ ਨਹੀਂ ਹੈ।

ਪਗੜੀ ਵਾਲਾ ਉੱਚਾ ਸੁੱਚਾ,

ਤੇ ਨੀਵਾਂ ਕਿਰਦਾਰ ਨਹੀਂ ਹੈ ।

ਸਭ ਦੀ ਸਦਾ ਭਲਾਈ ਲੋਚੇ,

ਮਨ ਵਿਚ ਬੁਰਾ ਵਿਚਾਰ ਨਹੀਂ ਹੈ।

ਉਸ ਤੇ ਸਭ ਵਿਸ਼ਵਾਸ਼ ਨੇ ਕਰਦੇ,

ਧੋਖੇ ਦਾ ਵਿਉਹਾਰ ਨਹੀਂ ਹੈ।

ਬਾਣੀ ਪੜ੍ਹਦਾ ਸੱਚ ਤੇ ਚਲਦਾ,

ਝੂਠੇ ਦਾ ਵਿਉਪਾਰ ਨਹੀਂ ਹੈ

ਸਭ ਦੀ ਸੇਵਾ ਸਭ ਦੀ ਮਦਦ,

ਮਤਲਬ ਦਾ ਸੰਸਾਰ ਨਹੀਂ ਹੈ।

ਡਿਗਿਆਂ ਨੂੰ ਉਹ ਉੱਚਾ ਚੁਕਦਾ,

ਆਪ ਕਿਸੇ ਤੇ ਭਾਰ ਨਹੀਂ ਹੈ।

ਨਾਰੀ, ਬਿਰਧ, ਬਾਲ ਦੀ ਰੱਖਿਆ,

ਫਰਜ਼ ਉਦਾ, ਉਪਕਾਰ ਨਹੀਂ ਹੈ।

ਮਨ ਨੀਵਾਂ, ਮਤ ਉੱਚੀ ਉਸਦੀ,

ਲਾਲਚ ਦਾ ਸਰੋਕਾਰ ਨਹੀਂ ਹੈ ।

ਸੁੱਚੀ ਕਿਰਤ ਵੀ ਵੰਡ ਕੇ ਖਾਵੇ,

ਲੋਭ, ਮੋਹ, ਹੰਕਾਰ ਨਹੀਂ ਹੈ ।

ਏਹੀ ਤਾਂ ਹੈ ਉਸ ਦੀ ਫਿਤਰਤ

ਇਹ ਕੋਈ ਅਲੋਕਾਰ ਨਹੀਂ ਹੈ।

ਸਾਰੀ ਦੁਨੀਆਂ ਕਰੇ ਸਲਾਮਾਂ,

ਉਸ ਜਿਹਾ ਜਗ ਵਿਚਕਾਰ ਨਹੀਂ ਹੈ।
 

Dalvinder Singh Grewal

Writer
Historian
SPNer
Jan 3, 2010
1,245
421
78
Singh Sardar certainly needs a turban. You are not identifiable otherwise as Singh Sardar. It is never late to wear your traditional dress which includes a turban.
 

❤️ CLICK HERE TO JOIN SPN MOBILE PLATFORM

❤️ CLICK HERE TO JOIN SPN MOBILE PLATFORM

📌 For all latest updates, follow the Official Sikh Philosophy Network Whatsapp Channel:
Top