- Jan 3, 2010
- 2,197
- 446
- 81
ਕੰਮ ਵਾਲੀ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਘਰਵਾਲੀ ਦੀ ਉਮਰ ਵਡੇਰੀ।
ਕੰਮ ਵਾਲੀ ਦੀ ਲੋੜ ਬਥੇਰੀ।
ਬਰਤਨ ਮਾਂਜਣ. ਝਾੜੂ ਫੇਰਨ।
ਦਿਨ ਵਿੱਚ ਕਰਨੇ ਦੋ ਦੋ ਵੇਰੀ।
ਢੂੰਡ ਢਾਂਡ ਕੇ ਬਾਈ ਲਾਈ।
ਚਾਹ ਰੋਟੀ ਪੈਸੇ ਪੰਸੇਰੀ ।
ਸਭ ਕੁਝ ਮਿੰਟਾਂ ਵਿੱਚ ਕਰ ਜਾਂਦੀ।
ਜਾਂਦੀ ਦਿਸਦੀ ਲਾ ਕੇ ਫੇਰੀ।
ਮਾਂਜਾ ਲਾਉਂਦੀ ਉਤੋਂ ਉਤੋਂ
ਬਰਤਨ ਧੋ ਕੇ ਲਾਉਂਦੀ ਢੇਰੀ।
ਪੋਚਾ ਟਾਵਾਂ ਟਾਵਾਂ ਲਾਉਂਦੀੇ,
ਝਾੜੂ ਫੇਰਨ ਵਿੱਚ ਨਾ ਦੇਰੀ ।
ਆਉਣ ਜਾਣ ਦਾ ਚੱਕਰ ਉਹਦਾ
ਜਾਂ ਕੋਈ ਬੁੱਲਾ ਜਾਂ ਉਹ ਨੇ੍ਹਰੀ।
ਜੇ ਘਰਵਾਲੀ ਟੋਕੇ ਕਿਧਰੇ।
ਸ਼ੇਰਨੀਆਂ ਦੇ ਵਾਂਗੂੰ ਬਿਖਰੇ।
ਪਿਆਰ ਨਾਲ ਵੀ ਜੇ ਸਮਝਾਵੇ
ਬਾਘੜ ਬਿੱਲੀ ਵਾਂਗੂ ਆਵੇ ।
ਤੋੜੇ ਤੇ ਤੋੜਾ ਉਹ ਝਾੜੇ।
ਆਖੇ ਪੈਸੇ ਦਿੰਦੇ ਮਾੜੇ।
ਜਿਤਨਾ ਪੈਸਾ ਕੰਮ ਵੀ ਵੈਸਾ।
ਹਰ ਤੀਏ ਦਿਨ ਛੁੱਟੀ ਕਰਦੀ
ਮਜਬੂਰੀ ਦੱਸ ਦਿੰਦੀ ਘਰ ਦੀ।
ਮੰਗੇ ਤੋਹਫੇ ਤਿਥ ਤਿਹਾਰੀਂ।
ਕੰਬਲ, ਪਲੰਗ ਕਦੇ ਅਲਮਾਰੀ।
ਘਰ ਵੱਡਾ ਤਾਂ ਤੋਹਫੇ ਵੱਡੇ ।
ਕਹਿੰਦੀ ਮੰਗਦੀ ਨਾ ਕੋਈ ਸੋਫੇ
ਘਰਵਾਲੀ ਨੂੰ ਖੂਬ ਸੁਣਾਵੇ।
ਕੰਮ ਤੇ ਨਾ ਪਰ ਚਿੱਤ ਲਗਾਵੇ।
ਕੰਮ ਕਰੇ ਘੱਟ ਬੋਲੇ ਬਾਹਲਾ ।
ਆਖਾਂ “ਇਸ ਥਾਂ ਹੋਰ ਲਗਾ ਲਾ” ।
ਘਰਵਾਲੀ ਨੇ ਸੱਚ ਸਮਝਾਇਆ।
ਇਹਨਾਂ ਨੇ ਤਾਂ ਗਰੁੱਪ ਬਣਾਇਆ।
ਮਿਲ ਕੇ ਪੈਸੇ ਰਹਿਣ ਵਧਾਉਂਦੇ।
ਨਾ ਦੇਈਏ ਤਾਂ ਬੜਾ ਸਤਾਉਂਦੇ।
ਸਭ ਦਾ ਫੜਿਆ ਇੱਹੋ ਰਵਈਆ।
ਬਿਨ ਕੰਮ ਕੀਤੇ ਮਿਲੇ ਰੁਪਈਆ।
ਹੋਰ ਨਾ ਮਿਲਣੀ ਇਸ ਤੋਂ ਚੰਗੀ।
ਅੱਜ ਤੱਕ ਔਖੀ ਸੌਖੀ ਲੰਘੀ।
ਹੋਰ ਆਊ ਤਾਂ ਇਸ ਤੋਂ ਚੜ੍ਹਦੀ।
ਦੁਗਣੇ ਮੰਗੂ ਤਾ ਕੰਮ ਫੜਦੀ ।
ਇਹ ਹੁਣ ਸਾਨੂੰ ਸਹਿਣਾ ਪੈਣਾ।
ਬੁੱਢੇ ਬਾਰੇ ਹੁਣ ਕੀ ਕਹਿਣਾ।
ਔਖੀ ਸੌਖੀ ਕੱਟ ਲਵਾਂਗੀ ।
ਕੁਝ ਹੁਣ ਕਰਦੀ ਆਪ ਰਵਾਂਗੀ ।
ਹਡ ਗੋਡੇ ਇਉਂ ਚਲਦੇ ਰਹਿਣੇ।
ਜੀਵਨ ਕਸ਼ਟ ਨੇ ਪੈਣੇ ਸਹਿਣੇ।
ਜਦ ਵੀ ਅਤਉਂਦੀ ਹੈ ਮਜਬੂਰੀ
ਜੀਵਨ ਕਟਣਾ ਸਬਰ ਸਬੂਰੀ।
ਬੁੱਢੇ ਵਾਰੇ ਹਾਲ ਇਹ ਸਭ ਦਾ।
ਵਕਤ ਮਿਲੇ ਨਾ ਲਈਏ ਰਬ ਦਾ।
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਘਰਵਾਲੀ ਦੀ ਉਮਰ ਵਡੇਰੀ।
ਕੰਮ ਵਾਲੀ ਦੀ ਲੋੜ ਬਥੇਰੀ।
ਬਰਤਨ ਮਾਂਜਣ. ਝਾੜੂ ਫੇਰਨ।
ਦਿਨ ਵਿੱਚ ਕਰਨੇ ਦੋ ਦੋ ਵੇਰੀ।
ਢੂੰਡ ਢਾਂਡ ਕੇ ਬਾਈ ਲਾਈ।
ਚਾਹ ਰੋਟੀ ਪੈਸੇ ਪੰਸੇਰੀ ।
ਸਭ ਕੁਝ ਮਿੰਟਾਂ ਵਿੱਚ ਕਰ ਜਾਂਦੀ।
ਜਾਂਦੀ ਦਿਸਦੀ ਲਾ ਕੇ ਫੇਰੀ।
ਮਾਂਜਾ ਲਾਉਂਦੀ ਉਤੋਂ ਉਤੋਂ
ਬਰਤਨ ਧੋ ਕੇ ਲਾਉਂਦੀ ਢੇਰੀ।
ਪੋਚਾ ਟਾਵਾਂ ਟਾਵਾਂ ਲਾਉਂਦੀੇ,
ਝਾੜੂ ਫੇਰਨ ਵਿੱਚ ਨਾ ਦੇਰੀ ।
ਆਉਣ ਜਾਣ ਦਾ ਚੱਕਰ ਉਹਦਾ
ਜਾਂ ਕੋਈ ਬੁੱਲਾ ਜਾਂ ਉਹ ਨੇ੍ਹਰੀ।
ਜੇ ਘਰਵਾਲੀ ਟੋਕੇ ਕਿਧਰੇ।
ਸ਼ੇਰਨੀਆਂ ਦੇ ਵਾਂਗੂੰ ਬਿਖਰੇ।
ਪਿਆਰ ਨਾਲ ਵੀ ਜੇ ਸਮਝਾਵੇ
ਬਾਘੜ ਬਿੱਲੀ ਵਾਂਗੂ ਆਵੇ ।
ਤੋੜੇ ਤੇ ਤੋੜਾ ਉਹ ਝਾੜੇ।
ਆਖੇ ਪੈਸੇ ਦਿੰਦੇ ਮਾੜੇ।
ਜਿਤਨਾ ਪੈਸਾ ਕੰਮ ਵੀ ਵੈਸਾ।
ਹਰ ਤੀਏ ਦਿਨ ਛੁੱਟੀ ਕਰਦੀ
ਮਜਬੂਰੀ ਦੱਸ ਦਿੰਦੀ ਘਰ ਦੀ।
ਮੰਗੇ ਤੋਹਫੇ ਤਿਥ ਤਿਹਾਰੀਂ।
ਕੰਬਲ, ਪਲੰਗ ਕਦੇ ਅਲਮਾਰੀ।
ਘਰ ਵੱਡਾ ਤਾਂ ਤੋਹਫੇ ਵੱਡੇ ।
ਕਹਿੰਦੀ ਮੰਗਦੀ ਨਾ ਕੋਈ ਸੋਫੇ
ਘਰਵਾਲੀ ਨੂੰ ਖੂਬ ਸੁਣਾਵੇ।
ਕੰਮ ਤੇ ਨਾ ਪਰ ਚਿੱਤ ਲਗਾਵੇ।
ਕੰਮ ਕਰੇ ਘੱਟ ਬੋਲੇ ਬਾਹਲਾ ।
ਆਖਾਂ “ਇਸ ਥਾਂ ਹੋਰ ਲਗਾ ਲਾ” ।
ਘਰਵਾਲੀ ਨੇ ਸੱਚ ਸਮਝਾਇਆ।
ਇਹਨਾਂ ਨੇ ਤਾਂ ਗਰੁੱਪ ਬਣਾਇਆ।
ਮਿਲ ਕੇ ਪੈਸੇ ਰਹਿਣ ਵਧਾਉਂਦੇ।
ਨਾ ਦੇਈਏ ਤਾਂ ਬੜਾ ਸਤਾਉਂਦੇ।
ਸਭ ਦਾ ਫੜਿਆ ਇੱਹੋ ਰਵਈਆ।
ਬਿਨ ਕੰਮ ਕੀਤੇ ਮਿਲੇ ਰੁਪਈਆ।
ਹੋਰ ਨਾ ਮਿਲਣੀ ਇਸ ਤੋਂ ਚੰਗੀ।
ਅੱਜ ਤੱਕ ਔਖੀ ਸੌਖੀ ਲੰਘੀ।
ਹੋਰ ਆਊ ਤਾਂ ਇਸ ਤੋਂ ਚੜ੍ਹਦੀ।
ਦੁਗਣੇ ਮੰਗੂ ਤਾ ਕੰਮ ਫੜਦੀ ।
ਇਹ ਹੁਣ ਸਾਨੂੰ ਸਹਿਣਾ ਪੈਣਾ।
ਬੁੱਢੇ ਬਾਰੇ ਹੁਣ ਕੀ ਕਹਿਣਾ।
ਔਖੀ ਸੌਖੀ ਕੱਟ ਲਵਾਂਗੀ ।
ਕੁਝ ਹੁਣ ਕਰਦੀ ਆਪ ਰਵਾਂਗੀ ।
ਹਡ ਗੋਡੇ ਇਉਂ ਚਲਦੇ ਰਹਿਣੇ।
ਜੀਵਨ ਕਸ਼ਟ ਨੇ ਪੈਣੇ ਸਹਿਣੇ।
ਜਦ ਵੀ ਅਤਉਂਦੀ ਹੈ ਮਜਬੂਰੀ
ਜੀਵਨ ਕਟਣਾ ਸਬਰ ਸਬੂਰੀ।
ਬੁੱਢੇ ਵਾਰੇ ਹਾਲ ਇਹ ਸਭ ਦਾ।
ਵਕਤ ਮਿਲੇ ਨਾ ਲਈਏ ਰਬ ਦਾ।
