Poem Punjabi ਸਤਿਨਾਮ ਕਰਤਾਰ

[Dalvinder Singh Grewal]

ਅਸਲੀ ਜੀਵਨ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਆਪਣਾ ਮਨ ਦਿਲ ਸੁੱਚਾ ਕਰਕੇ ।

ਉਸ ਵਿੱਚ ਨਾਮ ਵਾਹਿਗੁਰੂ ਭਰ ਕੇ।

ਅੰਦਰ ਬਾਹਰ ਨਾਮ ਹੀ ਗੂੰਜੇ।

ਮੈਲ ਗੰਦਗੀ ਅੰਦਰੋਂ ਹੂੰਝੇ।

ਉਸ ਸੱਚੇ ਵੱਲ ਧਿਆਨ ਜੋੜ ਲੈ।

ਜਗ ਖਿੱਚਾਂ ਤੋਂ ਮਨ ਨੂੰ ਮੋੜ ਲੈ।

ਚਾਹ ਇੱਛਾ ਸਾਰੀ ਮਿਟ ਜਾਊ।

ਸਹਜ ਸ਼ਾਂਤ ਜੀਵਨ ਮਿਲ ਜਾਊ।

ਆਪ ਮਿਟਾ ਤੇ ਉਸਦਾ ਹੋ ਜਾ ।

ਉਹੀ ਹੋ ਜਾ, ਖੁਦ ਨੂੰ ਖੋ ਜਾ।

ਜੋ ਰੱਬ ਚਾਹੇ ਸੋਈ ਕਰਨਾ ।

ਖੁਸ਼ ਰਹਿਣਾ ਤੇ ਦੁੱਖ ਸਭ ਜਰਨਾ ।

ਹੋਰ ਨਾ ਕੋਈ ਉਸ ਦੇ ਵਰਨਾ ।

ਖੇਡ ਉਸੇ ਦੀ ਜੀਣਾ ਮਰਨਾ ।

ਜਦ ਉਸ ਕਰਨਾ ਫਿਰ ਕਿਉ ਡਰਨਾ।

ਆਪ ਡੋਬ ਸਿੱਖਲਾਇ ਤਰਨਾ।

ਉਸ ਮਿਲਿਆਂ ਹੀ ਮੰਜ਼ਿਲ ਪਾਉਣੀ।

ਜੀਵਨ ਜਾਚ ਇਉ ਸਫਲ ਬਣਾਉਣੀ।

ਜਿਸ ਤੋਂ ਉਪਜੇ ਸੋਈ ਹੋਣਾ।

ਸਫਲ ਉਹ ਜੀਵਨ ਅਸਲੋਂ ਸੋਹਣਾ।

 

[Dalvinder Singh Grewal]

ਨਾਮ ਅਤੇ ਛੋਟਾ ਬਾਲ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ



“ਲੈ ਲਓ ਮੈਨੂੰ ਨਾਲ”, ਪੁਕਾਰੇ ।

ਉਹ ਛੋਟਾ ਜਿਹਾ ਬਾਲ, ਪੁਕਾਰੇ।

ਮੰਮੀ-ਪਾਪਾ ਲੰਘੇ ਅੱਗੇ ।

ਪਿੱਛੇ ਬਾਲਕ ਨੂੰ ਡਰ ਲੱਗੇ।

ਰੋਵੇ ‘ਮੰਮੀ, ਮੰਮੀ’ ਕਰਦਾ।

ਕਲਿਆਂ ਰਹਿਣਾ ਉਹ ਨਾ ਜਰਦਾ।

ਕਿਧਰੋਂ ਕੋਈ ਭੂਤ ਆ ਜਾਵੇ।

ਜਾਂ ਕੋਈ ਦੈਂਤ ਉਨੂੰ ਖਾ ਜਾਵੇ।

ਜਦ ਉਹ ਕੱਲਾ ਹੀ ਰਹਿ ਜਾਵੇ ।

ਕਿਹੜਾ ਉਸ ਨੂੰ ਆਣ ਬਚਾਵੇ ।

ਕੂਕਾਂ ਮਾਰੇ ਚੀਕਾਂ ਮਾਰੇ।

ਲਾ ਕੇ ਪੂਰਾ ਜ਼ੋਰ ਪੁਕਾਰੇ।

ਮੰਮੀ ਪਾਪਾ ਲਗੇ ਗਲੀਂ।

ਧਿਆਨ ਨਾ ਜਾਵੇ ਬਾਲ ਦੇ ਵਲੀਂ।

ਬਾਲ ਹੋ ਮੰਦੇ ਹਾਲ ਪੁਕਾਰੇ ।

ਲੈ ਲਓ ਮੈਨੂੰ ਨਾਲ ਪੁਕਾਰੇ।

ਜਦੋਂ ਇਕੱਲਪਣ ਹੋਵੇ ਭਾਰੀ।

ਉਸਦੀ ਜਾਂਦੀ ਸੀ ਮਤ ਮਾਰੀ।

ਸਮਝ ਨ ਆਵੇ ਕੀ ਕਰਨਾ ਹੈ।

ਡਰ ਨੂੰ ਕੀਕੂੰ ਉਸ ਜਰਨਾ ਹੈ ।

ਵਾਹ ਕੁਦਰਤ ਦੇ ਸੱਚੇ ਸਾਈਆਂ।

ਜੰਮਣ ਪਿਛੋ ਫਿਰਨ ਬੁਲਾਈਆਂ।

ਡਰ ਜੰਮਦੇ ਦੇ ਮਨ ਵਿੱਚ ਪਾਇਆ।

ਸਾਰਾ ਜੀਵਨ ਡਰਦਾ ਆਇਆ।

ਬਚਪਨ ਉਸਨੂੰ ਕਦੇ ਨਾ ਭੁਲਾ।

ਉਸਦਾ ਅੰਤਰਮਨ ਨਾ ਖੁੱਲਾ ।

ਖੁੱਲ ਕੇ ਦਿਲ ਦੀ ਗੱਲ ਨਾ ਕਰਦਾ।

ਸਹੀ ਗੱਲ ਨੂੰ ਕਹਿਣਾ ਡਰਦਾ ।

ਝੂਠ ਸਹਾਰੇ ਜੀਵਨ ਕੱਟੇ ।

ਵਾਹ ਵਾਹ ਕਿਧਰੋਂ ਵੀ ਨਾ ਖੱਟੇ।

ਸੁਪਨਿਆਂ ਵਿਚ ਤ੍ਰਭਕ ਕੇ ਉੱਠਦਾ।

ਜਿਉਂ ਕੋਈ ਉਸ ਨੂੰ ਮਾਰਨ ਨਠਦਾ।

ਕੰਬਣੀ ਜਿਹੀ ਉਸ ਨੂੰ ਛਿੜ ਜਾਂਦੀ।

ਮਾਂ ਵੀ ਤੱਕ ਤੱਕ ਕੇ ਘਬਰਾਂਦੀ।

ਮਾਂ ਪੁੱਛਦੀ ਕਿਉਂ ਡਰ ਡਰ ਉਠਦਾ?

ਕਹਿੰਦਾ ਕੋਈ ਮੇਰੇ ਪਿੱਛੇ ਭਜਦਾ।

ਮੰਮੀ ਆਖੇ ਬੋਲ ਵਾਹਿਗੁਰੂ।

ਜਦ ਡਰ ਲੱਗੇ ਨਾਮ ਕਰ ਸ਼ੁਰੂ।

ਵਾਹਿਗੁਰੂ ਜਪਿਆਂ ਭਰਮ ਭਉ ਨਾਸ।

ਹੋਵੇਂਗਾ ਨਾ ਕਦੇ ਉਦਾਸ।

ਹੁਣ ਜਦ ਉਸ ਨੂੰ ਡਰ ਲੱਗਦਾ ਹੈ ।

ਨਾਮ ਵਾਹਿਗੁਰੂ ਦਾ ਜਪਦਾ ਹੈ ।

ਡਰ ਭਉ ਸਾਰਾ ਦੂਰ ਹੋ ਜਾਂਦਾ।

ਚਿੱਤ ਵੀ ਵਾਹ ਮਖਮੂਰ ਹੋ ਜਾਂਦਾ।

 

[Dalvinder Singh Grewal]

ਆਵੇਗੀ ਤਰਥੱਲੀ, ਦੁਨੀਆਂ ਦੇਖੇਗੀ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ



ਆਵੇਗੀ ਤਰਥੱਲੀ, ਦੁਨੀਆਂ ਦੇਖੇਗੀ।

ਜਾਵੇਗੀ ਨਾ ਝੱਲੀ, ਦੁਨੀਆਂ ਦੇਖੇਗੀ।

ਦੁਨੀਆਂ ਦੇਖੂ ਅੱਖਾਂ ਟੱਡੀ।

ਉਥਲ ਉਥਲ ਹੋਵੇਗੀ ਵੱਡੀ ।

ਉਪਰਲੇ ਆਵਣਗੇ ਥੱਲੇ

ਥੱਲੜਿਆਂ ਦੀ ਬੱਲੇ ਬੱਲੇ।

ਮਾਰ ਜਿਨਾਂ ਨੇ ਝੱਲੀ, ਦੁਨੀਆਂ ਦੇਖੇਗੀ।

ਆਵੇਗੀ ਤਰਥੱਲੀ ਦੁਨੀਆਂ ਦੇਖੇਗੀ।

ਡਿਗਣਾ ਪਹਿਲਾਂ ਰਿਸ਼ਵਤਖੋਰਾਂ।

ਫਿਰ ਫਸਣਾਂ ਹੈ ਰਾਸ਼ਨ ਚੋਰਾਂ।

ਗੱਦੀਆਂ ਉੱਤੇ ਜਿਨਾਂ ਦਾ ਲਾਣਾ।

ਟੁੱਟਣਾ ਹੈ ਇਹ ਲੋਟੂ ਢਾਣਾ।

ਧੋਖੇ ਕੁਰਸੀ ਮੱਲੀ, ਦੁਨੀਆ ਦੇਖੇਗੀ।

ਆਵੇਗੀ ਤਰਥੱਲੀ ਦੁਨੀਆਂ, ਦੇਖੇਗੀ।

ਉਸ ਹਾਕਮ ਦਾ ਬੈਂਡ ਵਜਾਉਣਾ।

ਜਿਸ ਦਾ ਕੰਮ ਲੋਕੀ ਤੜਪਾਉਣਾ।

ਫੜਣੇ ਠੇਕੇਦਾਰ ਧਰਮ ਦੇ ।

ਧਰਮ ਦੇ ਨਾ ਜੋ ਪਾੜਾਂ ਪਾਉਂਦੇ ।

ਕੁੱਤੀ ਚੋਰ ਸੰਗ ਰਲੀ , ਦੁਨੀਆਂ ਦੇਖੇਗੀ ।

ਆਵੇਗੀ ਤਰਥੱਲੀ, ਦੁਨੀਆਂ ਦੇਖੇਗੀ।

ਫਿਰ ਵੋਟਾਂ ਦੇ ਚੋਰ ਪਕੜਣੇ।

ਵਿੱਚ ਸਲਾਖਾਂ ਠੱਗ ਜਕੜਨੇ।

ਝੂਠੇ ਕਰਨ ਮੁਕਾਬਲੇ ਜਿਹੜੇ।

ਉਨ੍ਹਾਂ ਦੇ ਕਢਵਾੳੇਣੇ ਗੇੜੇ।

ਗੱਲ ਸੱਚ ਦੀ ਚੱਲੀ, ਦੁਨੀਆਂ ਦੇਖੇਗੀ

ਆਵੇਗੀ ਤਰਥੱਲੀ, ਦੁਨੀਆਂ ਦੇਖੇਗੀ।

ਪੈਸਾ ਲੈ ਇਨਸਾਫ ਨੂੰ ਤੋੜਣ,

ਝੂਠ ਬਣਾਕੇ ਸੱਚ ਨੂੰ ਮੋੜਣ।

ਕੋੋਰਟ ਕਚਿਹਰੀ ਲੋਕ ਭਟਕਦੇ।

ਸਾਲਾਂ ਤੱਕ ਨੇ ਕੇਸ ਲਟਕਦੇ।

ਬਾਜ਼ੀ ਪੁੱਠੀ ਚੱਲੀ, ਲੋਕੀ ਦੇਖਣਗੇ।

ਹੋਵੇਗੀ ਤਰਥੱਲੀ ਲੋਕੀ ਦੇਖਣਗੇ।

 

[Dalvinder Singh Grewal]

ਵੇਲਾ ਬਦਲ ਰਿਹਾ ਹੈ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ
ਵੇਲਾ ਬਦਲ ਰਿਹਾ ਹੈ ਪਲ ਪਲ ਵੇਲਾ ਬਦਲ ਰਿਹਾ ਹੈ ।
ਜੋ ਇਸ ਪਲ ਹੈ, ਅਗਲੇ ਪਲ ਨਾ ਵਕਤ ਤਾਂ ਚਲ ਰਿਹਾ ਹੈ ।
ਮਾਣੋ ਇਹ ਪਲ, ਅਗਲੇ ਪਲ ਨੂੰ, ਪਤਾ ਨਹੀਂ ਕੀ ਹੋਣਾ।
ਯਾਦ ਨਾ ਕਰੋ ਪਿਛੋਕੜ ਬਹੁਤਾ, ਬੀਤੇ ਨੂੰ ਕੀ ਰੋਣਾ।
ਸ਼ੁਕਰ ਗੁਜ਼ਾਰੋ ਉਸ ਦਾ ਜੋ ਹੁਣ, ਦਾਤਾ ਘੱਲ ਰਿਹਾ ਹੈ।
ਵੇਲਾ ਬਦਲ ਰਿਹਾ ਹੈ ਪਲ ਪਲ ਵੇਲਾ ਬਦਲ ਰਿਹਾ ਹੈ।
ਬਹੁਤਾ ਜੋੜਣ ਖਾਤਰ ਆਪਣੇ ਹੱਡ ਨਾ ਐਵੇਂ ਗਾਲੋ ।
ਜੋ ਮਿਲਿਆ ਉਹ ਵੰਡ ਕੇ ਖਾਓ ਪਿਆਰ ਮੁਹੱਬਤ ਪਾਲੋ।
ਖੁਸ਼ ਹੋ ਮਾਣੋ, ਸ਼ੁਕਰ ਗੁਜ਼ਾਰੋ, ਜੋ ਉਹ ਘੱਲ ਰਿਹਾ ਹੈ।
ਵੇਲਾ ਬਦਲ ਰਿਹਾ ਹੈ ਪਲ ਪਲ ਵੇਲਾ ਬਦਲ ਰਿਹਾ ਹੈ ।
ਅਰਬਾਂ ਖਰਬਾਂ ਜੀ ਉਹ ਪਾਲੇ, ਸੱਭ ਉਸ ਚਾਲੇ ਪਾਣਾ।
ਸਾਰੇ ਏਥੇ ਆਉਂਦੇ ਜਾਂਦੇ, ਪੱਕਾ ਨਹੀਂ ਟਿਕਾਣਾ।
ਸਾਰਾ ਜਗ ਹੈ ਬਦਲਣਹਾਰਾ ਰੱਬ ਅਟੱਲ ਰਿਹਾ ਹੈ ।
ਵੇਲਾ ਬਦਲ ਰਿਹਾ ਹੈ ਪਲ ਪਲ ਵੇਲਾ ਬਦਲ ਰਿਹਾ ਹੈ।

 

[swarn bains]

time gone by does not come back

ਮਾਰ ਉਡਾਰੀ



ਇਸ ਕਾਰਨ ਤੂੰ ਜੱਗ ਵਿਚ ਆਇਆ, ਪੰਛੀ ਬਣ ਉੜ ਮਾਰ ਉਡਾਰੀ

ਦਰ ਬਦਰ ਉਸੈ ਫਿਰ ਭਾਲਦਾ, ਚਿੱਤ ਚਿਤਾਰ ਉਮਰ ਬਿਤਾ ਦੇ ਸਾਰੀ

ਮੇਰੇ ਮਨਾ ਤੜਪ ਉਹਦੀ ਯਾਦ ਵਿਚ, ਤੜਪ ਤੜਪ ਕੇ ਚੇਤੇ ਕਰ

ਮਨ ਵਿਚ ਮੇਰੇ ਪਿਆਰ ਵਸ ਗਿਆ, ਭੁੱਲ ਜਾਵਾਂ ਮੈਂ ਜਾਵਾਂ ਮਰ

ਦਿਲ ਦੇ ਵਲਵਲੇ ਕਿੰਞ ਸੁਣਾਵਾਂ, ਇਸ ਰਸਨਾ ਵਿਚ ਰਾਸ ਨਹੀਂ

ਮੇਰਾ ਪਿਆਰ ਵਸਦਾ ਦੂਰ ਚਿੱਤ ਤੋਂ, ਸਾਜਨ ਮੇਰੇ ਪਾਸ ਨਹੀਂ

ਚਿੱਤ ਚਿਤਾਰਨ ਤੂੰ ਜੱਗ ਆਇਆ, ਸਦਾ ਲਈ ਆਹਲਣਾ ਪਾਇਆ

ਇਹ ਜੱਗ ਤੇਰਾ ਨਹੀਂ ਬੈਂਸ, ਬਣ ਅਲਲ ਜੱਗ ਵਿਚ ਭਾਲਣ ਆਇਆ

ਮਾਰ ਉਡਾਰੀ ਖੰਭ ਖਿਲਾਰੀ, ਹਰ ਜਾ ਉਹਨੂੰ ਉੜ ਉੜ ਕੇ ਭਾਲ

ਉਮਰ ਬਿਤਾ ਦੇ ਉੜਦੇ ਉੜਦੇ, ਭਾਵੇਂ ਉਹ ਕਰੇ ਨ ਤੇਰਾ ਖਿਆਲ

ਸਾਰਾ ਜੱਗ ਤੇਰਾ ਤੈਨੂੰ ਜੱਗ ਪਿਆਰਾ, ਸਾਰੇ ਜੱਗ ਦਾ ਪਾਲਣਹਾਰਾ

ਮੈਂ ਦੁਹਾਗਣ ਸਭ ਸੁਹਾਗਣ, ਤਨ ਹਾਰ ਸੰਗਾਰ ਤੈਨੂੰ ਬਹੁ ਪਿਆਰਾ

ਤੇਰੇ ਮਨ ਵਿਚ ਛੁਪਿਆ ਰਹਿੰਦਾ, ਮੂਰਖ ਮਨ ਕੂ ਕੁਝ ਨੀ ਕਹਿੰਦਾ

ਯਾਰ ਬਣਾ ਲੈ ਮਨ ਸਮਝਾ ਲੈ, ਬੈਂਸ ਲੀਕ ਪੱਥਰ ਉਹ ਜੋ ਕਹਿੰਦਾ

ਪਿਆਰ ਚ ਉਸ ਜੱਗ ਸਾਜਿਆ, ਹਰਿ ਮਨ ਵਿਚ ਛੁਪ ਕੇ ਰਹਿੰਦਾ

ਸਭ ਦੀ ਕਰਤੂਤਾਂ ਵੇਖਦਾ ਰਹਿੰਦਾ, ਪਰ ਕਿਸੇ ਰੁਝ ਨਹੀਂ ਕਹਿੰਦਾ

ਸਤਿਗੁਰ ਕਾ ਸਬਦ ਕਮਾਈ ਜਾ, ਪਾਇਂ ਲੱਗ ਯਾਰ ਮਨਾਈ ਜਾ

ਗੁਰੂ ਰੱਬ ਚ ਭੇਦ ਨ ਕਾਈ, ਗੁਰ ਹਰਿ ਪ੍ਰਭ ਨਾਮ ਧਿਆਈ ਜਾ

ਬੈਂਸ ਕੂ ਅਪਣਾ ਪੰਛੀ ਬਣਾ ਲੈ, ਮੈਂ ਖੰਭ ਲਗਾ ਕੇ ਉੜ ਜਾਵਾਂ

ਹਰ ਜਾ ਤੈਨੂੰ ਫਿਰਾਂ ਭਾਲਦਾ, ਜਿੱਥੇ ਮਿਲੇਂ ਉਥੇ ਬਹਿ ਜਾਵਾਂ

ਜੇ ਤੂੰ ਮੇਰੇ ਕੋਲ ਬੈਠ ਜਾਵੇਂ, ਮੇਰੇ ਪਿਆਰ ਦੀ ਝਲਕ ਕਿਵੇਂ ਆਵੇ

ਮਨ ਵਿਚ ਚਾਨਣ ਹੋ ਜਾਵੇਂ, ਸਾਰੀ ਕੁਦਰਤ ਮਨ ਵਿਚ ਵਸ ਜਾਵੇ

ਤੂੰ ਹੀ ਸਤਿਗੁਰ ਤੂੰ ਉਹਦੀ ਸੂਰਤ, ਤੂੰ ਹੀ ਸੱਚੇ ਰੱਬ ਦ ਮੂਰਤ

ਬੈਂਸ ਜੇ ਉਸ ਪਾਉਣਾ ਚਾਹੈਂ, ਯਾਰ ਮਨਾਉਣ ਦੀ ਬਹੁਤ ਜਰੂਰਤ

ਪੱਖਾ ਫੇਰੀਂ ਪਾਣੀ ਢੋਵਾਂ, ਨਿੱਤ ਚਰਨ ਸਰਨ ਹਰਿ ਨਾਮ ਧਿਆਵਾਂ

ਤੂੰ ਹੀ ਤੂੰ ਹੀ ਕਰਦਾ ਜਾਵਾਂ, ਚਿੱਤ ਚਿਤਾਰਾਂ ਤੈਂ ਵਿਚ ਮਿਲ ਜਾਵਾਂ

 

[Dalvinder Singh Grewal]

ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਕਿਣਕਾ ਕੀਕੂੰ ਬ੍ਰਹਿਮੰਡ ਬਣ ਜਾਂ, ਕਿੰਜ ਤੁਧ ਮੇਚ ਹੋ ਜਾਵਾਂ।
ਜਾਣ ਸਕਾਂ ਨਾ ਕਿਥੋਂ ਤੱਕ ਹੈ ਤੇਰਾ ਵਿਸ਼ਵ ਪਸਾਰਾ।
ਮਨ ਵਿੱਚ ਭਉ ਤੇ ਭਾਉ ਉਪਜੇ ਲੈ ਤੇਰਾ ਨਾਮ ਹੁਲਾਰਾ।
ਕਸ਼ਟ ਪਵੇ ਤਾਂ ਕਰਾਂ ਦੁਆਵਾਂ, ਹੋਵਣ ਦੂਰ ਬਲਾਵਾਂ।
ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ।
ਸਮਝ ਨਾ ਆਵੇ ਕੀਕੂੰ ਜੱਗ ਨੂੰ ਰੋਜ਼ ਬਦਲਦਾ ਜਾਵੇਂ।
ਹਰ ਇੱਕ ਦੀ ਤੂੰ ਲੋੜ ਪੂਰਦਾ ਹਰ ਮਨ ਯਾਦ ਜਗਾਵੇਂ।।
ਪਰ ਦਿਸਿਆ ਨਾ ਕੋਈ ਅਜਿਹਾ ਜੋ ਹੈ ਤੇਰਾ ਸਾਵਾਂ।
ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ।
ਅੰਤ ਤੇਰੇ ਨੂੰ ਲੱਭਦੇ ਤੁਰ ਗਏ ਲੱਖਾਂ ਗੁਣੀ ਗਿਆਨੀ।
ਅੰਦਰ ਤੋਂ ਹੀ ਲਭਦੇ ਰਹਿ ਗਏ ਯੋਗੀ ਅੰਤਰ ਧਿਆਨੀ।
ਤੇਰੇ ਸੰਗ ਤਾਂ ਜੁੜਿਆ ਕੋਈ ਨਾਮ ਸਹਾਰੇ ਟਾਵਾਂ।
ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ।
ਓਸ ਸੰਤ, ਉਸ ਗੁਰੂ ਨੂੰ ਟੋਲਾਂ ਮਿਲਣ ਦਾ ਰਾਹ ਦਿਖਲਾਏ।
ਕਿਰਪਾ ਤੇਰੀ ਜਦ ਹੋ ਜਾਵੇ ਭੇਤ ਸਮਝ ਆ ਜਾਏ।
ਤੁੱਧ ਮਿਲਿਆਂ ਬਿਨ ਚੈਨ ਨਾ ਆਵੇ, ਭਟਕਾਂ ਜਿਵੇਂ ਨਿਥਾਵਾਂ।
ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ।
ਤੇਰੇ ਨਾਮ ਬਿਨਾ ਨਾ ਚਾਰਾ, ਜਪਦਾ ਹੋਰ ਜਪਾਵਾਂ।
ਪੰਜ ਬਦੀਆਂ ਤੋਂ ਪਾਸੇ ਹੋਇਆ, ਸੱਚ-ਸੁੱਚ ਅਪਣਾਵਾਂ
ਮਿਲ ਵੇਲੇ ਨੂੰ ਰੂਹ ਵਿੱਚ ਤੜਪਾਂ, ਮਿਹਰ ਕਰੇਂ ਮਿਲ ਪਾਵਾਂ।
ਪ੍ਰਭ ਜੀ! ਕਿੰਜ ਥਾਹ ਤੇਰੀ ਪਾਵਾਂ।

 

[Dalvinder Singh Grewal]

ਨਾਮ ਦੇ ਸੰਗ ਜੁੜਦਾ ਗੁਰਮੁੱਖ
ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਨਾਮ ਦੇ ਸੰਗ ਜੁੜਦਾ ਗੁਰਮੁੱਖ।
ਮਾਇਆ ਸੰਗ ਜੁੜਦਾ ਮਨਮੁੱਖ।
ਜਿਸ ਦੇ ਅੰਦਰ ਪਾਪ ਭਰੇ ਨੇ,
ਪਾਪ ਹੀ ਜੰਮੇਂ ਉਸਦੀ ਕੁੱਖ।
ਲ਼ੁੱਟ ਖੋਹ ਕਰ ਜੋ ਭਰਦਾ ਕੋਟ,
ਜਗ ਸੇਵਾ ਕਦ ਰਖੇ ਮੁੱਖ ।
ਝੂਠ ਤਾਂ ਜਗ ਤੇ ਕੋਹੜ ਦਾ ਰੋਗ,
ਸੱਚਾ ਹੁੰਦਾ ਬੋਹੜ ਦਾ ਰੁੱਖ ।
ਉਸਦੇ ਸੱਚ-ਸੁੱਚ ਨੇੜ ਨਹੀਂ ਹੈ,
ਜਿਸ ਦੇ ਅੰਦਰ ਮਾਇਆ ਭੁੱਖ।
ਨਾਮ ਜਪੋ ਤੇ ਜੀਣ ਸਵਾਰੋ,
ਮਿਹਰ ਕਰੇ ਮਾਨਵ ਪ੍ਰਮੁਖ।
ਨਾਮ ਜਪੇ ਤੇ ਮਿਟਦੇ ਦੁੱਖ,
ਨਾਮ ਜਪੇ ਤੇ ਮਿਲਦੇ ਸੁੱਖ।

 

[swarn bains]

ਨਿਰਮਲ ਮਨ



ਮਨ ਹਠ ਕਰਮ ਕਮਾਵੰਣੇ , ਬਿਨ ਸਤਿਗੁਰ ਸੇਵ ਮਨ ਵਸ ਨ ਆਏ

ਜਬ ਲਗ ਮਨ ਕੂ ਸਾਂਤ ਨ ਆਏ, ਹਰਿ ਪ੍ਰਭ ਮਨ ਮਹਿ ਨਾ ਪ੍ਰਗਟਾਏ

ਪ੍ਰਭ ਪਾਉਣਾ ਮਨ ਸਮਝਾਉਣਾ, ਹਰਿ ਹਰਿ ਨਾਮ ਰਿਦੈ ਸਦ ਗਾਉਣਾ

ਰੱਬ ਮਨਾਉਣਾ ਕੋਈ ਔਖਾ ਨਹੀਂ, ਔਖਾ ਈ ਅਪਣਾ ਮਨ ਸਮਝਾਉਣਾ

ਗੁਰ ਸਤਿਗੁਰ ਹਰਿ ਰਾਹ ਵਖਾਏ, ਸੱਚਾ ਸਤਿਗੁਰ ਸਬਦ ਦ੍ਰਿੜਾਏ

ਸੱਚਾ ਸਤਿਗੁਰ ਨਾਮ ਧਿਆਏ, ਸਿੱਖਨ ਕਉ ਸੋ ਸਿਖਿ ਸਮਝਾਏ

ਗੁਰ ਸਤਿਗੁਰ ਸੱਚਾ ਸਾਹ ਹੈ, ਹਰਿ ਪ੍ਰਭ ਨਾਮ ਕਾ ਵਣਜਾਰਾ

ਹਰਿ ਪ੍ਰਭ ਨਾਮ ਕਾ ਵਣਜ ਕਰੈ, ਹਰਿ ਪ੍ਰਭ ਨਾਮ ਜਪਾਵਣ ਹਾਰਾ

ਹਰ ਮਨ ਮਹਿ ਹਰਿ ਪ੍ਰਭ ਵਸੈ, ਹਰਿ ਨਾ ਕਿਤ ਆਵੈ ਨਾ ਜਾਵੈ

ਹਰ ਜੀਵ ਨਿਰਮਲ ਜਾ ਭਾਲਦਾ,ਸੱਚੇ ਸਤਿਗੁਰ ਇਹਾ ਭਾਵੈ

ਬੈਂਸ ਕਰ ਲੈ ਮਨ ਦੀ ਸਫਾਈ, ਦਰਪਣ ਵਾਕਣ ਹਰਿ ਦਿਸ ਆਏ

ਬਾਵਨ ਜੁਗ ਬੈਠਾ ਘੁੱਪ ਹਨੇਰੇ, ਪ੍ਰਭ ਕੂ ਕੁਝ ਸਮਝ ਨਾ ਆਵੈ

ਅੰਤ ਅੰਦਰ ਛੁਪਿਆ ਗੁਰੂ ਸਾਧਿਆ, ਇਤ ਵਿਧ ਪ੍ਰਭ ਹੋਂਦ ਚ ਆਵੈ

ਮਨ ਦਾ ਤਾਲਾ ਖੁਲ੍ਹਿਆ, ਫਿਰ ਪ੍ਰਭ ਸਾਰਾ ਜਗਤ ਸਾਹਮਣੇ ਆਏ

ਪਹਿਲਾ ਹਰਿ ਵਕਤ ਬਣਾਇਆ, ਇਕ ਧਾਗੇ ਵਿਚ ਜਗਤ ਪਰੋਇਆ

ਬਿਨ ਵਕਤ ਕੋਈ ਨਾ ਕਾਰ ਚਲਾਵੈ, ਸਭ ਜੱਗ ਫਿਰਦਾ ਸੂ ਖੋਇਆ

ਫਿਰ ਪ੍ਰਭ ਜੂ ਵਾਉ ਚਲਾਈ, ਨੀਰ ਵਾਉ ਚੋਂ ਨਿਕਲ ਖਲੋਇਆ

ਜਾਗ ਵਾਉ ਦਾ ਜਾਗ ਪ੍ਰਭ ਲਾਏ, ਨੀਰ ਮਾਹਿ ਜੀਵ ਜੰਤ ਪ੍ਰਗਟਾਏ

ਇਸ ਜੱਗ ਮਹਿ ਜਬ ਆਏ ਬਣੈ, ਸੱਚੇ ਸਤਿਗੁਰ ਜੱਗ ਮਹਿ ਘਲਾਵੈ

ਸਤਿਗੁਰ ਪ੍ਰਭ ਕਾ ਹੋਏ ਵਚੋਲਾ, ਘੱਲ ਜੱਗ ਜਨ ਮਨ ਸਮਝਾਵੈ

ਸਤਿਗੁਰ ਪ੍ਰਭ ਮਹਿ ਭੇਦ ਨ ਕਾਈ, ਨਿਰਮਲ ਮਨ ਮਹਿ ਪੱਭ ਪ੍ਰਗਟਾਵੈ

 

[Dalvinder Singh Grewal]

Very Nice

 

[Dalvinder Singh Grewal]

ਨਾਮ ਜਪਦਿਆਂ ਕਦੇ ਨਾ ਡੋਲਾਂ
ਦਲਵਿੰਦਰ ਸਿੰਘ ਗ੍ਰੇਵਾਲ
ਨਾਮ ਜਪਦਿਆ ਕਦੇ ਨਾ ਡੋਲਾਂ
ਹਰਪਲ ਜੁੜਿਆ ਰਹਾਂ ਰਾਮ ਸੰਗ, ਵਾਹਿਗੁਰੂ, ਵਾਹਿਗੁਰੂ ਬੋਲਾਂ।
ਨਾਮ ਧਨ ਵਰਗਾ ਧਨ ਨ ਕੋਈ, ਜਿਸ ਪਾਇਆਂ ਜਗ ਤਰਨਾ।
ਨਾਮ ਜੁੜੇ ਹੀ ਸਚੇ ਸਤਿਗੁਰ ਦੇ ਵਿਚ ਜੀਣਾ ਮਰਨਾ।
ਬਾਹਰ ਖੋਜ ਦੀ ਲੋੜ ਨਾ ਕੋਈ, ਅੰਦਰੋਂ ਉਸ ਨੂੰ ਟੋਲਾਂ।
ਨਾਮ ਜਪਦਿਆਂ ਕਦੇ ਨਾ ਡੋਲਾਂ।
ਜੀਟੀ ਰੋਡ ਵਾਂਗ ਰਾਹ ਉਸ ਦਾ ਸਿੱਧਾ ਉਧਰ iਲਜਾਵੇ।
ਧੁਰ ਅੰਦਰੋਂ ਜਦ ਜੁੜੀਏ ਉਸ ਸੰਗ ਮਨ ਕਿਉਂ ਭਟਕਣ ਖਾਵੇ।
ਧਰਦ ਵਿਛੋੜੇ ਦੇ ਸੱਭ ਵੇਦਨ ਉਸਦੇ ਸੰਗ ਜਾ ਖੋਲਾਂ।
ਨਾਮ ਜਪਦਿਆ ਕਦੇ ਨ ਡੋਲਾਂ।
ਉਸ ਪਾਇਆਂ ਹੀ ਮੰਜ਼ਿਲ ਮਿਲਣੀ, ਮਨ ਤਨ ਹੋਇ ਅਨੰਦਾ।
ਉਸ ਮਿਲਿਆਂ ਰੂਹ ਕਲੀ ਹੈ ਵਿਗਸਣੀ, ਮੇਲ ਹੈ ਕ੍ਰਿਪਾ ਸੰਦਾ।
ਉਸ ਸਿਮਰੇ ਧਨ ਨਾਮ ਦਾ ਪਾਵਾਂ, ਮਨ ਜਗ ਮੋਹ ਕਿਉਂ ਰੋਲਾਂ।
ਨਾਮ ਜਪਦਿਆ ਕਦੇ ਨ ਡੋਲਾਂ।

 

[swarn bains]

ਨਾਮ ਧਨ ਕਦੇ ਵਿਸਰ ਨ ਜਾਏ
ਜਨ ਮਨ ਸਦ ਨਾਮ ਧਿਆਏ

 

[swarn bains]

ਸਭ ਰੂਹਾਂ ਵਿਚ



ਜਿਉਂ ਖੀਰ ਵਿਚ ਨੈਨੂ ਛੁਪਿਆ, ਸਗਲ ਬਨਸਪਤਿ ਵਿਚ ਅੱਗ

ਸਭ ਰੂਹਾਂ ਵਿਚ ਉਹ ਛੁਪਿਆ ਬੈਠਾ. ਜਿਹਨੇ ਸਾਜਿਆ ਜੱਗ

ਜਿਉਂ ਦੁੱਧ ਮਹਿ ਮੱਖਣ ਛੁਪਿਆ, ਵੇਖਣ ਦਿਖਣ ਨ ਪਾਵੈ

ਉਸੇ ਤਰ੍ਹਾਂ ਰੱਬ ਮਨ ਵਿਚ ਵਸੈ, ਜਨ ਮਨ ਭਰਮ ਭਰਮਾਵੈ

ਜਿਉਂ ਬਨਸਪਤਿ ਮਹਿ ਬੈਸੰਤਰ, ਉਵੇਂ ਹਰਿ ਮਨ ਮਹਿ ਵਸੈ

ਸਭ ਦੀ ਕਰਤੂਤਾਂ ਰਹੇ ਵੇਖਦਾ, ਜਾਣ ਸਮੈਂ ਸਭ ਕੁਝ ਦੱਸੈ

ਤੀਲੀ ਲਾਇਆਂ ਅੱਗ ਲੱਗ ਜਾਵੈ, ਹੋਰ ਵਿਧ ਨਹਿੰ ਕੋਈ

ਤਿਸ ਵਿਧ ਹਰਿ ਪ੍ਰਭ ਪ੍ਰਗਟੈ, ਸਤਿਗੁਰ ਸਰਣ ਲਾ ਢੋਈ

ਜਿਉਂ ਖੀਰ ਮਹਿ ਛਾਛ ਮੱਖਣ ਛੁਪਿਆ, ਵੇਖ ਨ ਸਕੈ ਕੋਈ

ਉਸੈ ਵਿਧ ਗੁਰ ਮਹਿ ਹਰਿ ਜਾਪੈ, ਮਨ ਕੌ ਖ਼ਬਰ ਨ ਹੋਈ

ਹਰਿ ਪ੍ਰਭ ਸੋਈ ਇਕ ਦਾਤਾ, ਜਿਸ ਨੇ ਸਾਜਿਆ ਸਾਰਾ ਜੱਗ

ਜੰਮਣ ਵੇਲੇ ਖਾਣ ਪਾਣ ਸੰਗ ਦੇਵੈ, ਬੈਂਸ ਉਹਦੇ ਪਿੱਛੇ ਭੱਜ

ਦਾਤ ਨ ਨਿੱਤ ਸਰਾਹ ਬੰਦੇ, ਸੈ ਪੂਜ ਜਿਸ ਬਖਸੀ ਦਾਤ

ਹਰਿ ਹਰਿ ਨਾਮ ਧਿਆ ਬੈਂਸ, ਸਗਲ ਦਿਨਸ ਸਭ ਰਾਤ

ਇਕ ਰੱਬ ਉਹ ਸ਼ਕਤੀ, ਜੋ ਸਾਜੈ ਫਿਰ ਕਰੈ ਨਿਸਤਾਰਾ

ਦੂਸਰ ਹੋਵੈ ਸੱਚਾ ਸਤਿਗੁਰ, ਜਿਸ ਮਨ ਵਸੈ ਪਿਆਰਾ

ਹਰਿ ਉਗਾਵੈ ਕਰੈ ਪ੍ਰਿਤਪਾਲਣ, ਸੇਵਕਨ ਕੂ ਪਾਰ ਉਤਾਰਾ

ਹਰਿ ਪ੍ਰਭ ਨਿਰਮਲ ਮਨ ਵਸੈ, ਬੈਂਸ ਤੂੰ ਕਰ ਕੋਈ ਚਾਰਾ

ਪਹਿਲਾਂ ਸਤਿਗੁਰੂ ਧਾਰ, ਫਿਰ ਕਰ ਸਤਿਗੁਰ ਕੀ ਸੇਵਾ

ਸਤਿਗੁਰ ਤੇਰੀ ਕਿਰਤ ਜਾਣਦਾ,ਜਿਨੀ ਸੇਵਾ ਉਨਾ ਮੇਵਾ

ਉਮਰ ਭਰ ਤੂੰ ਜੱਗ ਭਰਮਾਇਆ, ਭਰਮਾਂ ਪਿਛੈ ਲੱਗ

ਸਤਿਗੁਰ ਸੇਵ ਹਰਿ ਨਾਮ ਧਿਆ, ਖੋਜ ਮਨ ਮਹਿ ਰੱਬ

 

[Dalvinder Singh Grewal]

Very nice

 

[swarn bains]

ਵਾਹਿਗੁਰੂ ਸ਼ਬਦ ਕਿਵੇਂ ਸਿੱਖ ਰੱਬ ਵਾਸਤੇ ਬਰਤਦੇ ਹਨ

 

[Dalvinder Singh Grewal]

I request you to read Sri Guru Granth Sahib for clarification.

 

[swarn bains]

i should not have questioned. sorry and thank u

 

[Dalvinder Singh Grewal]

I am sorry I understood your question differently.
Sat(i)nam being pra poorbla and Wahiguru being generally accepted by Sikhs worldwide once it was used by Bhatts and also by Guru Gobind Singh and Bhai Mani Singh, the Sikhs generally now accept Sat(i)nam Wahiguru for the naam simaran. Even at Akal Takhat where all the jathebandis were present with all the Jathedars of five Takhats 'Sat(i)nam Wahiguru was recited, hence we should also accept the same

 

[Dalvinder Singh Grewal]

ਰਾਤ-ਜਗਾ

ਡਾ:ਦਲਵਿੰਦਰ ਸਿੰਘ ਗ੍ਰੇਵਾਲ

ਤੈਨੂੰ ਅੱਜ ਸਮਰਪਣ ਕੀਤਾ ਰਾਤ-ਜਗਾ।

ਜੀਕੂੰ ਘੁਟ ਘੁਟ ਕਰਕੇ ਪੀਤਾ ਰਾਤ-ਜਗਾ।

ਸਾਹ ਫੜ ਪੀਤੀ ਜਹਿਰ ਤੇਰੀ ਰੁਸਵਾਈ ਦੀ,

ਗਮ-ਸਾਗਰ ਅੰਦਰ ਭਰ ਲੀਤਾ ਰਾਤ-ਜਗਾ।

ਗੱਲ ਅਹੰ ਦੀ ਸੀ, ਕੋਈ ਜਾਇਦਾਦ ਨਾ ਸੀ,

ਹਿਰਦਾ ਟੁਕੜਾ ਟੁਕੜਾ ਸੀਤਾ ਰਾਤ-ਜਗਾ।

ਕਰ ਦੇਣਾ ਬਰਬਾਦ ਹੈ, ਆਖਰ ਜ਼ਿਦ ਤੇਰੀ

ਤਾਂ ਬੰਬਾਂ ਦੀ ਮਾਰ ਚ ਬੀਤਾ ਰਾਤ-ਜਗਾ।

ਗੱਲ ਸਮਝੌਤੇ ਦੀ ਕਿਸ ਕਰਕੇ ਹੋਣੀ ਸੀ,

ਫੜ ਖਰਗੋਸ਼ ਰਗੜ ਦਾ ਚੀਤਾ, ਰਾਤ-ਜਗਾ।

ਡਟ ਕੇ ਸਹਿਣ ਬਿਨਾ ਜਦ ਕੋਈ ਚਾਰਾ ਨਾ,

ਬਣ ਜਾਂਦਾ ਮਨ ਆਪੋ ਗੀਤਾ ਰਾਤ-ਜਗਾ ।

ਹਾਰਨ ਨਾ, ਜਦ ਹੋਣ ਜਮੀਰਾਂ ਜਾਗਦੀਆਂ,

ਪੱਤ ਲਹਾਉਂਦੀ ਨਾ ਫਿਰ ਸੀਤਾ ਰਾਤ-ਜਗਾ ।

ਜਾਬਰ ਬਾਬਰ ਗੁੱਸਾ ਖੂਹ ਵਿੱਚ ਲਹਿ ਜਾਣਾ,

ਹੋ ਜਾਣਾ ਜਦ ਫੀਤਾ-ਫੀਤਾ ਰਾਤ-ਜਗਾ।

 

[Dalvinder Singh Grewal]

ਭਲਾ ਬੁਰਾ

ਡਾ: ਦਲਵਿੰਦਰ ਸਿੰਘ ਗ੍ਰੇਵਾਲ

ਮਤਲਬ ਵਿਚ ਜਦ ਕੋਈ ਅੰਨਾ ਹੋਵੇ, ਭਲਾ ਬੁਰਾ ਨ ਸੋਚੇ।

ਲ਼ੁੱਟ-ਖੋਹ ਆਪਣਾ ਧੰਦਾ ਸਮਝੇ ਸਭ ਕੁਝ ਖੋਹਣਾ ਲੋਚੇ।

ਜਦੋਂ ਜ਼ਮੀਰਾਂ ਮਰਨ, ਰਹੇ ਨਾ, ਗੱਲ ਇਨਸਾਨੀ ਕੋਈ,

ਅੰਦਰ ਅੱਗਾਂ ਲਾਉਂਦੇ ਰਹਿੰਦੇ ਵਧਦੇ ਨਿਤ ਵਿਗੋਚੇ।

ਇਕੋ ਹੈ ਜਿਸ ਦੇਣਾ ਸਭ ਨੂੰ, ਵੰਡੇ ਤੱਕ ਕੇ ਲੋੜਾਂ,

ਜੋ ਜੰਮਿਆ ਹੈ ਭੁੱਖੜ ਉਹ ਹੀ, ਮਰੇ ਮਾਸ ਨੂੰ ਨੋਚੇ।

ਨਾਲ ਕਿਸੇ ਕੁਝ ਲੈ ਨਾ ਜਾਣਾ, ਮਾਰੇ ਹਾਬੜ ਪੰਥੀ

ਦਿੰਦੀ ਨਾਮ ਬੁਰਾਈ ਨਾ ਹੈ, ਕੱਢੀਏ ਕਿਉਂ ਨਘੋਚੇ,

ਸਬਰ-ਸਬੂਰੀ, ਸ਼ਰਧਾ-ਇੱਕ-ਵਿੱਚ, ਜੀਵਨ ਸ਼ਾਂਤ ਬਣਾਉਂਦੇ,

ਬਹੁਤੀ ਦੇਰ ਚਮਕਦੇ ਨਾ ਜੋ ਕੂੜੇ ਉੱਤੇ ਪੋਚੇ।

 

[Dalvinder Singh Grewal]

ਜੀਵ ਹਾਂ ਤੇਰਾ

ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ

ਮੈਂ ਵੇਚਾਰਾ, ਜੀਵ ਹਾਂ ਤੇਰਾ ।

ਕਰ ਕਿਰਪਾ, ਕਰ ਅਪਣਾ ਚੇਰਾ।

ਖਲਕ ਵੀ ਤੂੰ ਤੇ ਖਾਲਕ ਤੂੰਹੀ।

ਮਾਲਕ ਤੂੰ ਪ੍ਰਤਿਪਾਲਕ ਤੂੰ ਹੀ।

ਸਾਰੇ ਜਗ ਦਾ ਮਾਲਕ ਤੂੰ ਹੀ ।

ਹਰ ਦਿਲ ਵਿੱਚ ਹੈ ਤੇਰਾ ਡੇਰਾ।

ਮੈਂ ਵੇਚਾਰਾ ਜੀਵ ਹਾਂ ਤੇਰਾ ।

ਕਰ ਕਿਰਪਾ ਕਰ ਆਪਣਾ ਚੇਰਾ।

ਆਪਣਾ ਨਾਮ ਜਪਾ ਲੈ ਸਾਈਆਂ।

ਆਪਣੇ ਲੜ ਖੁਦ ਲਾ ਲੈ ਸਾਈਆਂ।

ਵਿਚਲੀ ਵਿੱਥ ਮਿਟਾ ਲੈ ਸਾਈਆਂ।

ਤੋੜ, ਪਿਆ ਪੰਚਾਂ ਦਾ ਘੇਰਾ।

ਮੈਂ ਵੇਚਾਰਾ ਜੀਵ ਹਾਂ ਤੇਰਾ ।

ਕਰ ਕਿਰਪਾ ਕਰ ਆਪਣਾ ਚੇਰਾ।

ਕਾਮ, ਕ੍ਰੋਧ, ਮੋਹ, ਲੋਭ, ਹਟਾ ਦੇ।

ਕੇਵਲ ਨਾਮ ਦੇ ਹੀ ਲੜ ਲਾ ਦੇ।

ਆਪਣੇ ਘਰ ਦੇ ਰਾਹੇ ਪਾ ਦੇ।

ਪਾਰ ਲਗਾ ਦੇ ਬੇੜਾ ਮੇਰਾ।

ਮੈਂ ਵੇਚਾਰਾ ਜੀਵ ਹਾਂ ਤੇਰਾ ।

ਕਰ ਕਿਰਪਾ ਕਰ ਆਪਣਾ ਚੇਰਾ।

ਜੱਗ ਦੀ ਖਿੱਚ ਚੋਂ ਬਾਹਰ ਆਵਾਂ।

ਨਾਮ ਨਾਲ ਆਨੰਦ ਮੈ ਪਾਵਾਂ।

ਸੁਰਤ ਮੈਂ ਤੇਰੇ ਵਿਚ ਟਿਕਾਵਾਂ।

ਵੰਡ ਰੋਸ਼ਨੀ ਲਾਹ ਦੇ ਨੇਰਾ।

ਮੈਂ ਵੇਚਾਰਾ ਜੀਵ ਹਾਂ ਤੇਰਾ ।

ਕਰ ਕਿਰਪਾ ਕਰ ਆਪਣਾ ਚੇਰਾ।

ਜਪਦਾ ਰਹਾਂ ਨਾਮ ਦੀ ਮਾਲਾ।

ਸੁਰਤ ਟਿਕੇ ਤੁਧ ਵਿੱਚ, ਉਹ ਆਲ੍ਹਾ

ਦਰਸ਼ਨ ਪਾਇਆਂ ਜੀਣ ਸੁਖਾਲਾ।

ਮੇਰੇ ਭਾਗੀਂ ਚੜੇ ਸਵੇਰਾ।

ਮੈਂ ਵੇਚਾਰਾ ਜੀਵ ਹਾਂ ਤੇਰਾ ।

ਕਰ ਕਿਰਪਾ ਕਰ ਆਪਣਾ ਚੇਰਾ।